امریکا مرکزی قوماندانلیگی (سنتکام)، نینگ اعلام قیلیشیچه، ایران گه قرشی بو مملکت هجوملرینینگ ینگی باسقیچی یکونلنگن.
سنتکامنینگ بوگون (۳۰-سرطان/ ۲۱-جولای، سهشنبه)، اکس صحیفهسیده بیر بیانیه آرقهلی یازیشیچه، مذکور هجوملر هرمز بوغوزیدن اوته یاتگن سودا کیمهلریگه هجوملر دوامی اوچون تهراننینگ صلاحیتینی ضعیفلشتیریش مقصد، عملگه آشیریلگن.
بیانیه اساسیده، اوشبو عملیاتده ایراننینگ حربی قوماندانلیک مرکزلری، دینگیز بوییچه امکانیتلری، راکته و پهپاد آتیلهدیگن جایلری و شونینگدیک هوا مدافعه تیزیملری نشانگه آلینگن.
امریکا مرکزی قوماندانلیگینینگ کوپهیتیریشیچه، هرمز بوغوزیدن سودا کیمهلرینینگ اوتیب قیتیشی دوام قیلیب و اوشبو قوماندانلیک کوچلری می آیینینگ باشیدن حاضرگچه، مذکور استراتژیک سوو یولی آرقهلی قریب ۹۰۰ تجاری کیمه و ۴۵۰ میلیونگه یقین خام نفت بشکهسینینگ اوتیشینی تامینلهگن.
سنتکامنینگ اورغولشیچه، امریکا کوچلری تیارگرلیک حالتیگه بولیب و هرمز بوغوزیده تینچاهالی دینگیزچیلریگه قرشی «سببسیز هجوملر» برابریده ایراننینگ جوابگرلیککه تارتیشگه تیارلر.
امریکا و ایران آرهسیدهگی کیسکینلیکلر سونگی هفتهلرده خلیج فارس و هرمز بوغوزیده کوپهیگن. واشینگتن نیچه مرته ایران ایچیدهگی نشانلرگه هجوم قیلیب و شونینگدیک تهران هم منطقهده امریکا پایگاهلریگه هجوم قیلیش بیلن جواب قیترگن.
