مذکور ییگیت‌لردن بیر قطاری نینگ ایتیش‌لریچه، اولر فقر، قوروقچیلیک و طالبان نینگ حاکمیتی سبب مملکت نینگ ترک قیلیشی‌گه زورلنگن.
مذکور ییگیت‌لردن بیری عبدالحمید (مستعار آت) غور ولایتی مرکزی فیروزکوه شهری طالبان نظارتی گه اوتیشی بیلن، مذکور ولایت نی ایران مقصدی‌گه ترک قیلگن.
او بیر هفته آلدین غور ولایتی‌دن حرکت قیلگن ایکن و حاضر ایران ییتیشگن. اونینگ کوپه‌یتیریشیچه، او و یاشقه ۲۵ کیشی قاچاق یولدن ایران‌گه کیرگنلر و حاضر مذکور مملکت‌ده ایش اَختریب یورگنلر.
عبدالحمید‌گه کوره، اولر افغانستان طالبان قولیگه سقوط قیلگنی باعث مملکت نی ترک قیلیشگن و ایران‌ده ایش تاپه آلمه‌گن صورتده، اروپا کیتیش گه زورلنه‌دی.
غور ولایتیده خصوصی بیر نهاد ده ایشلب یورگن محمد نادر نینگ ایتیشیچه، ایش‌سیزلیک باعث ایران کیتماقچین دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، عایله سیگه نان تاپه‌دیگن کیشی یالغیز او دیر و مملکت نینگ نابیللی کیله‌جگی سبب باشقه مملکت‌لرگه کیتیب و عایله‌سی نینگ خره‌جتی نی تأمین قیلیش اوچون سعی و حرکت قیله‌دی.
او طالبان حاکمیتی ده ایش و حیات کیچیریش نی ناممکن دیدی.
شونده‌ی بیرحالده، غور ولایتیده طالبان حاکمی عبدالکریم جهادیار نینگ ایتیشیچه، اهالی خواطرگه بولمه‌سین، چونکه طالبان عمومی کیچیرم اعلام قیلگن و هیچ کیم گه ضرر ییتیشمه‌یدی.
اونینگ کوپه‌یتیریشیچه، کابل ده طالبان رهبری ینگی بیر حکومت ایجاد قیلیش اوچون ایشله‌یدیلر و مذکور حکومت نینگ تشکیل ایتیلیشی بیلن ایش فرصت‌لری ایجاد بولیب و اهالی‌گه خدمتلر ارایه بوله‌دی.
باشقه بیر تاماندن، فیروزکوه شهری نینگ دکاندارلریدن برچه‌سی بازارلرنی کم رنگلیگی و ایش‌سیزلیگدن شکایت قیله‌دیلر و اولرنینگ ایتیش‌لریچه، کونده‌لیک ۵۰ الی ۱۰۰ افغانی ساتیش‌لری بار.
طالبان بیر هفته آلدین فیروزکوه شهری نی تصرف قیلگن بیرحالده، بیراق غور ولایت یشاوچیلیری ایش‌سیزلیک، فقر و نابیللی کیله‌جک توغریسیده خواطرلنگن.
