زابل یشاوچی‌سی ۳۰ یاشیده بولگن عبدالوهاب سلیمانی ایکی ییل آلدین نامنظم مهاجرلیک آرقه‌لی ایران مملکتی تامان یولگه چیقگن. عبدالوهاب سلیمانی نینگ ایتیشیچه، ایران ده کرونا ویروسی ترقه‌لمسدن آلدین کونده ۱۶۰ مینگ دن باشلب ۱۷۰ مینگ تومان ایش قیله‌ریکن، لیکن کرونا ویروسی ترقه‌لگنی سبب، ایشخانه‌لر تعطیل بولیب و ایشلاوچی‌لرنینگ حقوق‌لری ۵۰ مینگ تومان‌گه کمه‌یگن.
اونینگ کوپه‌یتیریشیچه، ایران‌ده ۲ ییل ایش قیلگنیدن سونگ، قولی بوش مملکت‌گه قیتیب کیلگن و هیچ‌قنده‌ی درآمد قیله آلمه‌گن.
سلام‌وطندار اوزبیک بولیمی‌نی فیسبوک‌ده تعقیب قیلینگ
عبدالوهاب نینگ ایتیشیچه: «کرونا کوپ ایدی، ایران نینگ وضعیتی یمان ایدی، حقوق یوق ایدی. کمیده ایکی هفته آلدین هم ایران قیزیل چیزیغی‌گه قرار تاپگن ایدی، بوتون مغازه‌لر باغلنگن ایدی. کرونا دن آلدین وضعیت یخشی ایدی.»
شونینگدیک، ۲۵ یاشیده بولگن مریم ۲۳ کون آلدین اوی، ییر و باشقه اموال‌لرینی کابلده ساتیب عایله‌سی نینگ ۱۷ عضوی بیلن ایران و ایران دن سونگ، ترکیه‌گه مهاجر بوله‌دی. خانم مریم نینگ ایتیشیچه، عایله اعضالری بیلن ۲۲ کون نامنظم مهاجرلیک نینگ خطرلی یول‌لرینی طی قیلگن.
نامنظم مهاجرلیک نینگ جسمی کوچ‌سیزلیگی و خسته‌لیگی خانم مریم و عایله اعضاسی اینقسه باله‌لرنینگ چهره‌سیده کورینه‌دی. اونینگ ایتیشیچه، نامنظم مهاجرلیک نینگ خطرلری بیر تاماندن و کرونا ویروسی خطرلری باشقه تاماندن اولرنینگ مقصد گه قول تاپه آلمه‌یشی گه سبب بولگن.
مریم نینگ ایتیشیچه، یولده باله‌لریدن ۳ ته‌سی کسل بولگن. «بیر تامان دن کرونا ایدی و باشقه تاماندن ایسه افغانستانده ایش یوقلیگی، مجبور بولدیک. قیزیم کسل ایدی و کمیده ایکی یا-ده ۳ هفته کسل ایدی، لیکن خداوند یاردم بیردی و درمان‌لندی.»
خانم مریم نینگ کوپه‌یتیریشیچه، نامنظم مهاجرلیک یولی‌نی طی قیلگنیدن سونگ، ارومیه چیگره‌سیده ایران حربی‌لری تامانیدن قولگه آلنیب و سورگون ایتیلگن‌لر.
کرونا ویروسی، نامنظم مهاجرلیک آرقه‌لی چیت‌ایللیک ممکت‌لرگه باره‌دیگن عایله‌لر اوستیگه سلبی تاثیر قویگن و اوشبو ویروس سبب، کونده یوزلرچه افغانستانلیک مهاجرلر قوشنی مملکت‌لردن افغانستان‌گه سورگون ایتیله‌دی.
- ناقانونی مهاجرلیک و روانی قیینچیلیک‌لرگه چلینگن ییگیت نینگ حکایه‌سی
- مهاجرلیک؛ مقصد یا-ده اولیم گه آلیب باره‌دیگن یول
- افغانستانلیک متقاعد افسرنینگ مهاجرلیک حکایه‌سی
- ناقانونی مهاجرلیک؛ «اروپا کیتماقچین ایدی، بیراق توپراق آستیگه کیتدی»
هرات ولایتی بوییچه مهاجرلر و باش پناه‌ایزلاوچی‌لر ریاستی تامانیدن بیریلگن آمارلرگه کوره، ۱۳۹۹- ییل باشلنگنیدن حاضرگه‌قدر ۵۰۰ مینگ دن آرتیق افغانستانلیک مهاجر ایران دن اسلام‌قلعه چیگره‌سی آرقه‌لی مملکت‌گه قیتیب کیلگن.
هرات ولایتی بوییچه مهاجرلر و باش پناه‌ایزلاوچی‌لر ریاستی باشلیغی مبین قادری نینگ سلام‌وطندارگه ایتیشیچه، قیتیب کیلگن مهاجرلر جمله‌سیدن ۳۳۴ مینگ و ۲۶۹ ته‌سی اوز ایستک‌لری و باشقه ۱۷۲ مینگ و ۵۲۱ ته‌سی زوردن سورگون ایتیلگن. جناب قادری گه کوره، سورگون ایتیلگن‌لر جمله‌سیدن ۱۵۲ سرپرست‌سیز عیال و ۲ مینگ و ۱۶۱ سرپرست‌سیز باله تشکیل بیره‌دی.
بیزلرنینگ توییترده هم تعقیب قیلینگ!
هرات ولایتی بوییچه مهاجرلر و باش‌پناه ایزلاوچی‌لر ریاستی باشلیغی نینگ کوپه‌یتیریشیچه، کرونا ویروسی ترقه‌لگنیدن سونگ، کونده ۱۵ مینگ مهاجر ایش‌سیزلیک سبب، اسلام‌قلعه چیگره‌سی آرقه‌لی افغانستان‌گه قیتیب کیله‌دیلر. اونینگ ایتیشیچه، سونگی هفته‌لرده ایران ده کرونا نینگ ینگی تولقینی ترقه‌لگنی سبب، مهاجرلرنینگ مملکت‌گه قیتیب کیلیش جریانی کوپه‌یگن و حاضرده کونده اورتلمه ۵ مینگ مهاجر اسلام‌قلعه چیگره‌سی آرقه‌لی مملکت‌گه کیله‌دیلر.
عین‌حالده، هرات مدنی فعاللریدن بیرقطاری نینگ ایتیش‌لریچه، کرونا بحرانی مهاجرلرنی قبول قیله‌دیگن مملکت‌لرگه ایش‌سیزلیک نی کوپه‌یتیرگن.
هرات مدنی فعاللریدن بیری سیداشرف سادات نینگ ایتیشیچه: «کرونا مهاجرلیک جریانی شامل اقتصادی بولیم‌لرگه زیان ییتیشتیرگن و مهاجرلرنینگ شغلی فرصت‌لرینی کمه‌یشی‌گه سبب بولگن.»
شونینگدیک، ساغلیق‌نی سقلش وزیرلیگی مسوول‌لری نینگ ایتیش‌لریچه، کرونا بحرانی قوشنی مملکت‌لرده افغانستان یشاوچیلری اوستیگه سلبی تاثیر قویگن و ایش اوچون قوشنی مملکت‌لرگه بارگن مهاجرلرنینگ مملکت‌گه قیتیب کیلیش‌لری کوپه‌یگن.
