قطر پایتختی دوحه‌ده آمریکا و طالبان گروهی آره‌سیده تینچلیک سوزلشوولری و شونینگدیک افغانستانلیکلرارا سوزلشوولر باشلنگنیدن کمیده ایکی ییل اوتماقده. بو پروسه افغانستان اهالیسی نی کوپینچه امیدوار قیلیش گه علاوه، مهاجرلرنینگ هم امیدوار قیلگن.
ییل‌لرچه ناتینچلیک و اوروش، فرصت و امنیت نی اهالیدن آلگن و شو یوزه‌دن مملکت یشاوچی‌لرینی حیات کیچیریش و تیریک قالیش امیدی بیلن، مملکت نی ترک قیلیشی گه سبب بولگن.
حبیبه سوسن، ناقانونی مهاجرلیک آرقه‌لی اولکه نی ترک قیلیب و انگلستان گه مهاجرت قیلگن افغانستان یشاوچی‌لریدن بیری دیر. او ایش ویزه‌سی بیلن مملکت نی ترک قیلگن، بیراق اونگه کوره، ییل‌لردن بویان اولکه دن اوزاق‌لیک نی تجربه قیلگن.
خانم سوسن نینگ ایتیشیچه، مملکتده امنیت و اوقیش و تحصیل قیلیشی فرصتی بولمه‌گنی باعث افغانستان نی ترک قیلگن. اونینگ ایشانچی گه کوره، منه شو ایکی قیینچیلیک امنیت و فرصت یوقلیگی اهالی نینگ تینچلیگی و رضایتی نی آلگن.
خان سوسن نینگ ایشانچی گه کوره، افغانستان ده جانی امنیت، مالی امنیت و شغلی امنیت یوق دیر و اینیقسه عیاللر برابریده بو موضوعلر جدی دیر و فرصتلر ناتینچلیک و عدالت‌سیزلیککه قربان بولگن.
او تینچلیک پروسه‌سی باشلنگنیدن امیدوار دیر، بیراق سیاسی رهبرلر اوشبو ایکی مولفه امنیت و مملکت یشاوچی‌لریگه عدالتلی شکلده فرصت یره‌تیلیشی خصوصیده حرکت قیلیش‌لرینی کوتیب تورگن. بیراق تینچلیک پروسه‌سیده یوزبیرگن حادثه‌لر حبیبه اوچون کتته ناامیدلیکلر یره‌تگن.
سوسن نینگ ایتیشیچه، تینچلیک پروسه‌سیده‌گی قیینچیلیکلر ثابت قیله‌دی که بو پروسه افغانستان اهالیسی گه تینچلیک کیلتیرمه‌یدی، بلکیم اوروش تامان‌لری آره‌سیده قدرت نی تقسیم قیلیش دیر و افغانستان اهالیسی هردایم کبی سیاسی بیر معامله گه قربان بولیشی ممکن.
حبیبه سوسن، تینچلیک سوزلشوولری نینگ باشلنگنیدن بویان بو پروسه نی دایم تعقیب قیلماقده. اونینگ ایتیشیچه، تینچلیک سوزلشوولریده مهاجرلرنی ادغام قیلیش توغریسیده حاضرگچه هیچ قنده‌ی موضوع بیان قیلینمه‌گن.
خانم سوسن گه کوره، افغانستان نینگ حاضرگی حکومتی دموکراتیک بیر حکومت دیر، بیراق اونینگ سایه‌سی آستیده عیاللر حقلری، دینی و قومی اقلیتلر اَیاق آستی بوله‌دی. اونینگ اورغولشیچه، کیله‌جکده عیاللر حقلری و اقلیتلر بولیمی ده تینچلیک تأمین‌لنیشی اوچون هیچ قنده‌ی ضمانت یوق دیر.
مذکور مهاجر عیال نینگ کوپه‌یتیریشیچه، افغانستان ده اوزلریگه تینچ بیر حیات توزته آلمه‌گن قومی-مذهبی اقلیتلر مهاجرت قیلیش گه زورلنگن. اونگه کوره، نهایتده عایله‌لردن قطاری فرزندلری گه یخشی و کوپراق فرصت ایجاد قیلیش اوچون مهاجرلیککه یوز کیلتیرگن.
اونینگ ایتیشیچه، تینچلیک ییغین‌لری نینگ ریجه‌سی و آجنداسی گه کوره، جامعه نینگ تورلی قشرلریگه فضا قیین و قتیق بولگن و مهاجرلرنی قیتیشی اوچون هیچ قنده‌ی حمایتی برنامه کورینمه‌یدی.
خانم سوسن نینگ ایتیشیچه، تینچلیک امنیت تأمین‌لنیشی و عدالتلی فرصت یره‌تیلیشی گه سبب بولگن صورتده، حتمن اولکه گه قیته‌دی، بیراق تینچلیک پروسه‌سی حاضرگی شکلده آلغه کیتگن صورتده، امنیت و عدالتلی فرصت تأمین‌لنیشی گه هیچ امیدوارلیک قالمه‌یدی.
حبیبه سوسن نینگ ایتیشیچه: «طالبان اوچون مهاجرت قیلدیم و تینچلیک دن کیین طالبان کیلگن صورتده، کیم بیله‌دی که شرایط قنده‌ی بوله‌دی. تینچلیک امنیت تأمین‌لنیشی و عدالتلی فرصت ایجاد ایتیلیشی گه سبب بولگن صورتده، حتمن اولکه گه قیته‌من. قوم‌لریم، اقارب‌لریم و دوست‌لریم برچه‌سی افغانستان ده دیر و بو مملکت یشاوچی‌لری بیلن قوشمه تاریخ، فرهنگ و تیلیم بار.»
حبیبه نینگ ایتیشیچه، مهاجر بولگن چاغیده افغانستان توپراغیدن اَیریم بولیمی طالبان نظارتی گه ایکن، بیراق تینچلیک بولیب و طالبان بوتون افغانستان گه حاکم بولگن صورتده، مهاجرلردن هیچ بیری اولکه گه قیتیش گه حاضر بولمه‌یدی.
خانم سوسن نینگ ایتیشیچه، تینچلیک امنیت تأمین‌لنیشی و عدالتلی فرصت گه سبب بولمه‌گن صورتده، افغانستان گه قیتمه‌یدی. اونگه کوره، طالبان حکومت قیله‌دیگن اولکه ده حیات کیچیره آلمه‌یدی، چونکه اونینگ طالبان دن ذهنی گه یمان خاطره‌لری بار.
مهاجرلر وزیرلیگی نینگ رسانه بولیمی مصلحتچیسی عبدالباسط انصاری نینگ ایتیشیچه، میلادی ۲۰۲۱- باشلنگنیدن بویان ۳۴۷ مینگ مهاجر مملکت گه قیتگن. جناب انصاری نینگ ایتیشیچه، دولت نینگ «تینچلیک دن کیین برنامه» و «مهاجرلیک پالیسی‌سی» نامیده ایکی برنامه‌سی بار که اونینگ اساسیده، افغانستان اداره‌لریدن برچه‌سی نینگ مهاجرلر برابریده بیللی بیر وظیفه‌سی بار.
حبیبه نینگ اوچ فرزندی بار که اولر انگلستان نینگ اینگ یخشی مکتب‌لری و بیلیم‌یورت‌لریده درس اوقیدی. حبیبه نینگ فرزندلری انگلستان نینگ برچه یشاوچی‌لری کبی تینگ فرصت‌لرگه ایگه دیر.
خانم حبیبه مهاجر بولگن بیرحالده هم انگلستان نینگ اعتبارلی شرکت‌لریدن بیری گه وظیفه‌سی بار. حبیبه نینگ ایتیشیچه، تینچلیک واقعی شکلده مملکتده تأمین بولمه‌گن صورتده، مملکت گه قیتیش بیلن اوشبو فرصت‌لرنی قولدن بیریشی ممکن.
