خلق‌ارا تینیق‌لیک تشکیلاتی اداری فساد گه قرشی کوره‌ش اداره‌سی نینگ معلوماتی اساسیده، افغانستان ۲۰۲۲_ییل ده ۲۴ امتیاز کسب ایتیش بیلن ۱۵۰_ اوریننی ایگلله‌گن.
مذکور تشکیلات نینگ گزارشی ده کیلیشیچه: «افغانستان ده دایمی تینچلیک برقرار ایتیلیشی اوچون خلق‌ارا سعی‌وحرکت‌لر نتیجه بیرمسلیک عامل‌لریدن بیری فساد ایدی. بو ایش افغانستان دولتی نینگ مشروعیتی و توانالیگی همده حربی‌لرینی ضعیف‌لشتیردی، منبع‌لر دقتینی اسلام امیرلیگی تامان سوق بیریب و اهالی تامانیدن اولر نینگ قوللب_قوتلنیشینی کوچه‌یتیردی.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، خلق‌ارا تینیق‌لیک تشکیلاتی نینگ ینگی گزارشی ده، افغانستان اورنی یخشی‌لنیشی و اداری فساد گه قرشی کوره‌ش ده اسلام امیرلیگی نینگ ایشی حقیده معلومات بیریلمه‌گن؛ بیراق اقتصادی ایش بیلرمان‌لر نینگ ایشانچی گه کوره، حکومتدارلیک تیزیمی ده اصلاحات کیریتیش و اداری فساد گه قرشی کوره‌ش، اوشبو اوزگریش یگانه عاملی بولیشی ممکن.
اقتصادی ایش بیلرمان عبدالنصیر رشتیا نینگ سلام‌وطندار گه ایتیشیچه:«حکومتدارلیک تیزیمی ده اصلاحات کیریتیش و اداری فساد گه قرشی جدی کوره‌شیش اساسی عامل‌لردن دیر که افغانستان ۲۰۲۲_ییل ده ۲۴ امتیاز کسب ایتیب و اوتگن ییل‌لر گه نسبتن یوقاری اوریننی ایگلله‌گن.»
اقتصادی ایش بیلرمان‌لردن باشقه بیری تاج‌محمد تلاش گه کوره: «اسلام امیرلیگی نینگ اداری فساد گه قرشی کوره‌شی و بوتوغریده جدی اقدام ایتیشی باعث اوتگن ییل گه نسبتن موفق بولگن؛ بیراق اسلام امیرلیگی حاضرگی وضعیت یخشی‌لنیشی اوچون حکومت اداره‌لریده مسلکی کیشی‌لرنی وظیفه بیریشی لازم.»
بیزلرنینگ توییترده هم تعقیب قیلینگ!
اسلام امیرلیگی رسمی‌لری نینگ ایتیشلریچه، سابق حکومت دن اداری فساد میراث قالگن و اولر بوتوغریده سعی‌وحرکت‌لری گه دوام بیرماقده‌لر.
اسلام امیرلیگی تشقی ایشلر وزیرلیگی نینگ سرپرستی امیرخان متقی گه کوره: «اوتگن حکومت دن، بوش بانک‌لر و اداری فساد اسلام امیرلیگی گه میراث قالدی و اصلاح ایتیلیشی اوچون سعی‌وحرکت قیلینماقده.»
ایتیش کیره‌ک که، افغانستان میلادی ۲۰۲۱نچی ییل ده اداری فساد گه قرشی کوره‌ش ده ۱۶ امتیاز کسب ایتیب و ۱۷۴_ اوریننی ایگلله‌گن ایدی.
