آسترالیا صلح و اقتصاد انستیتوتی، ۲۰۲۲_ییل ده دنیا بویلب تروریزم وضعیتینی تیکشیرگن ایتیشیچه، افغانستان اون مملکت‌ارا تروریزم دن ضرر کورگن مملکت‌لردن بیری دیر.
مذکور انستیتوت نینگ گزارشی اساسیده، اسلام امیرلیگی حاکمیتیدن حاضرگچه افغانستان ده ترورچیلیک هجوم‌لر میزانی ۵۸ فایز و اوشبو هجوم‌لر طفیلی تلفات رقمی ۷۵ فایز کمه‌یگن؛ بیراق افغانستان حاضرگچه تروریزم دن تأثیرلنگن مملکت‌لردن بیری سنله‌دی.
بیزلرنینگ فیسبوک صحیفه‌میزگه باش اورینگ!
سونگی کون‌لرده، افغانستان نینگ تورلی بورچک‌لریده اویوشتیریلگن قانلی هجوم‌لر، اوشبو مملکت نینگ خوفسیزلیک وضعیتی گه دایر خواطرلر کوچه‌یشیگه سبب بولگن.
ایش بیلرمان‌لر، مذکور هجوم‌لر عاملی دییلگن داعش گروهی نی، افغانستان و منطقه خوفسیزلیگی برابری جدی تهدید عنوان قیله‌دیلر.
عین‌حالده، اسلام امیرلیگی، افغانستان نینگ خوفسیزلیک وضعیتی گه دایر خواطرلرنی رد قیلیب ایتیشیچه، افغانستان دولتی خوفسیزلیک تأمین ایتیلیشی مقصدیده سعی‌وحرکت قیلماقده.
اسلام امیرلیگی سوزلاوچیسی نینگ اورین باسرلریدن بلال کریمی گه کوره، اسلام امیرلیگی افغانستان ده عصیانچی گروه‌لر گه قرشی کوره‌ش اوچون جدی دیر و سونگی کون‌لرده مملکت ده داعش گروهی نینگ نیچه قرارگاهی نی یوق ایتگن.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «اسلام امیرلیگی نینگ کشفی و استخباراتی کوچلری اولر [داعش گروهی] نی قیدیرماقده، اولر حقیده معلومات بیریلگن حالده، تیزلیک بیلن اقدام قیله‌دیلر.»
اوتگن بیر یریم ییل ده، منطقه و دنیا اولکه‌لری افغانستان ده عصیانچی گروه‌لر نینگ موجودلیگی و منطقه خوفسیزلیگی اوچون خواطر بیلدیریب کیلگنلر. ینگی‌لیکده، افغانستان نینگ شمالی قوشنیسی اوزبیکستان، عصیانچی گروه‌لر گه قرشی کوره‌ش اوچون افغانستان بیلن چیگره حدودلریده خوفسیزلیک چاره تدبیرلرینی کوچه‌یتیرگن.
شو بیلن بیرگه، اسلام امیرلیگی هردایم افغانستان ده عصیانچی گروه‌لر نینگ حضورینی رد قیلگن.
