اروپا بیرلشمهسی، اوتگن کون (سهشنبه، ۱۶-عقرب)، بیر اعلامیه ترقهتیب ایتیشیچه، افغانستان یشاوچیلری جملهدن مملکت ده آسیب کورهدیگن کیشیلردن حمایت قیلیش، جبری شکلده قیتریلگن کیشیلر و شونینگدیک پاکستان دهگی افغانستانلیک قاچقینلر اوچون ۶۱ میلیون یورو یاردم بیرگن.
مذکور بیرلشمه نینگ کوپهیتیریشیچه، افغانستان ده حاضرگچه بشری وضعیت خواطرلنتیرووچی دیر. اعلامیه اساسیده، ینگی یاردملردن ۶۰ میلیون یورو افغانستان ده فعال انسانپرورلیک تشکیلاتلری و بیر میلیونی ایسه پاکستان تشکیلاتلری گه اختصاص بیریلگن دیر.
بیزلرنینگ «ایکس» ترماغی ده هم تعقیب قیلینگ!
اروپا بیرلشمهسی نینگ اورغولشیچه، اوشبو بیرلشمهسی نینگ ینگی مالی یاردملری، افغانستان ده آزیق-آوقت آزلیگی طفیلی بولگن توسیقلیککه ییتیشیش بوییچه اونملی دیر. دیمک اروپا بیرلشمهسی گه کوره، افغانستان نینگ کمیده یریم جمعیتی آزیق-آوقت ناتینچلیگی بیلن روپهره دیر.
شونینگدیک اروپا بیرلشمهسی گه کوره، اوشبو بودجه بیلن افغانستان غربیده زلزلهدن زیان کورگن جمعیت اوچون، باشپنه، ساغلیق مراقبتلر، سوو و ییمک فراهم بولیشی ممکن.
بیزلرنینگ فیسبوک صحیفهمیزگه باش اورینگ!
شونینگدیک مذکور بیرلشمه نینگ کوپهیتیریشیچه، اوشبو بودجه نینگ بیر بولیمی، افغانستان گه قیتهدیگن افغانستانلیک مهاجرلردن حمایت قیلیش اوچون صرفلنیشی ممکن.
ایتیش کیرهک که، اروپا بیرلشمهسی جاری میلادی ییلده انسانپرورلیک ۹۴ میلیون یورو یاردم نی افغانستان یشاوچیلری گه ارائه قیلگن دیر.