بیرلشگن ملتلر تشکیلاتی نینگ بالهلردن حمایت قیلووچی صندوقی یا-ده یونیسف، بیر اعلامیه ترقهتیب ایتگن که، اروپا بیرلشمهسی افغانستان بالهلریدن حمایت قیلیش و پولیو گه قرشی ایملش اوچون ۴۰ میلیون یورو یاردم بیرگن.
اعلامیهده کیلگن که، افغانستان ده بشری و اقتصادی وضعیت نینگ یامانلنیشی بیرحالده، اوشبو مملکت بویلب بالهلر اوز امنیتلری اوچون زورهوانلیک و باشقه بیر قطار تهدیدلر بیلن روپهرهلر.
بیزلرنینگ فیسبوک صحیفهمیزگه باش اورینگ!
اعلامیهدن نقل قیلینیشیچه، ییگیتلر و بالهلردن بیر قطاری ایش قیلیش گه مجبورلر و اولردن بیر قطاری ایسه افغانستاندن تشقی گه چیقیش اوچون قیین یوللر نی تنلهیدیلر. یونیسف ایتگن که اوتگن ییل، عایلهلردن ۸۸ فایزی نینگ کمیده بیر بالهسی قیین بیر وضعیتده اویدن تشقی ایش قیلهدی.
افغانستان اوچون اروپا بیرلشمهسی نینگ ایلچیسی وان برانت نینگ ایتیشیچه: «چیگرهدن اوتیش، اینیقسه یالغیز بیر شکلده قیین و خوفلی یوللردن اوتیش، اوشبو مهاجر بالهلر نی زورهوانلیک و قوللنیش خوفی آستیده قرار بیرهدی.»
اونینگ کوپهیتیریشیچه، انهشوو سبب اروپا بیرلشمهسی یاردم گه محتاج و مهاجرت خوفی آستیده قرار تاپگن قیزلر و ایرکک بالهلر تانیلیب و یاردم بیریلیشی اوچون ۱۵ میلیون یورو نی یونیسف گه اختصاص بیرگن.
بیزلرنینگ توییترده هم تعقیب قیلینگ!
شونینگدیک اروپا بیرلشمهسی مملکت بویلب فلج بالهلر نی پولیو گه قرشی ایملش، اینیقسه چیگرهدن اوتهدیگن بالهلردن حمایت قیلیش اوچون ۳۵ میلیون یورو نی یونیسف و دنیا ساغلیک تشکیلاتی گه یاردم بیرگن.
یونیسف نینگ معلوماتی اساسیده، ۲۰۲۱-ییل نینگ می آییدن ۲۰۲۲-ییل نینگ اپریل آییگچه اوشبو نهاد ۳۳.۵ میلیون دوز نی فلج بالهلر گه تیار قیلگن که، پولیو گه قرشی ایملش جریانیده ۵ یاشدن قویی بولگن ۶.۳دن ۹.۸ میلیون باله واکسین بولگن. شونینگدیک ساغلیک تیملر پاکستان و ایران چیگرهلریدن ۱.۲ میلیون مهاجر باله نی واکسین قیلگنلر.