«باله‌لریم نی چیقرگن ایدیم؛ آوقت‌لنیش پیتیده سیل کیلدی. هیچ نرسه‌سی نی قوتقره آلمه‌دیک، یالغیز بیر باتری نی اوزیم بیلن آلیب چیقدیم و باشقه همه نرسه سوو آستیده قالیب و سوو تاشقینی گه کیتدی.»
بو ۳۸ یاشر خدیجه نینگ صحبت‌لریدن بیر قسمی دیر، خدیجه ینگی‌لیکده غور نینگ چهارسده تومنی‌ده یوز بیرگن سوو تاشقینلریدن، اوشبو ولایت مرکزی فیروزکوه شهری گه بدرغه بولگن؛ لیکن بو ییرده هم امان قالمه‌گن. اونینگ ایتیشیچه، کوز آچیب یومگونچه سوو تاشقینی برچه نرسه‌سی نی اوزی بیلن آلیب کیتگن.
اوتگن کون غور مرکزی فیروزکوه شهری و اوشبو ولایت تومن‌لریدن قطاری‌ده یوز بیرگن سوو تاشقین‌لر نتیجه‌سیده، مینگلرچه یشش اوی ویران و مینگلرچه کیشی آواره بولگن.
غور معلومات و مدنیت باشلیغی عبدالحی زعیم نینگ ایتیشیچه، مذکور سوو تاشقین‌لرده باله‌لر شامل ۵۰ کیشی اولیب و اونلب کیشی یوقالگن.
بیزلرنینگ فیسبوک صحیفه‌میزگه باش اورینگ!
جناب زعیم نینگ کوپه‌یتیریشیچه: «شهیدلر سانی ۵۰ گه ییتیشگن و کوپینچه کیشی حاضر ایسه یوقالیب و نابیللی دیر. فیروزکوه شهری یشاوچیلریدن کوپینچه‌سی نینگ اویی ویران بولیب و دکان‌لری اورته‌دن کیتگن و شونینگدیک اهالی غور ولایتی تومن‌لری بویلب کوپینچه زیان کورگن.»
غور معلومات و مدنیت باشلیغی نینگ اورغولشیچه، اوشبو سوو تاشقین‌لرده مینگلرچه یشش اوی بوتونلی و قسمی شکلده ویران بولیب و شونینگدیک اونلب کوپریک و مینگ‌لب جریب ایکینچیلیک ییر تخریب بولگن.
باشقه بیر تاماندن، اوتگن کونی غور ده سوو تاشقینلریدن قوتقریلگنلر آزیق-آوقت و باشقه نرسه‌لرینی قولدن بیرگنلری اوچون یامان بیر وضعیت بیلن روپه‌ره بولگنلر.
فیروزکوه شهری «گل‌دره» قیشلاغی یشاوچیلریدن صالح شیرزی نینگ ایتیشیچه، سوو تاشقینی یوز بیرگنی سبب اوی وسیله‌لریدن هیچ بیرینی چیقره آلمه‌ی، یالغیز اوزلری بیلن باله‌لرینی قوتقره آلگنلر.
اونینگ کوپه‌یتیریشیچه: «بیر اویی‌میز بار ایدی که اوندن آزیق-آوقت و قالین کبی نرسه‌لر کوپ ایدی و بیر اوی هم مهمان‌خانه ایدی که برچه‌سی نی سیل آلیب کیتدی. یالغیز بیزلر زیان کورمه‌‌دیک، برچه اهالی شو رقم زیان کورگن.»
فیروزکوه شهری «گل‌دره» قیشلاغی یشاوچیلریدن باشقه بیری خیرالله، سرپرست حکومت و یاردم بیرووچی نهادلردن غور ده سوو تاشقینلریدن زیان کورگنلر گه یاردم بیریلیشی نی ایسته‌گن.
خیرالله نینگ کوپه‌یتیریشیچه: «اسلام امیرلیگی و خلق‌ارا یاردم بیرووچی نهادلردن، قیین‌چیلیگیمیز نینگ حل قیلینیشی نی ایسته‌یمیز. ییگولیک و ایچگولیک هیچ نرسه‌میز یوق. حاضر دیوارلر یانیده حیات کیچیره‌میز و باش پنه‌میز یوق.»
عین حالده، غور حاکمی اورین‌باسری روح‌الله طریقت نینگ ایتیشیچه، سوو تاشقینی‌‌دن زیان کورگنلر نینگ نیازلری یاردم بیرووچی نهاد‌لر بیلن شریک بولگن و عاجل بیر شکلده تیارلنیشی اوچون سعی‌وحرکتلر نینگ دوامی بار.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «دستلبکی یاردم‌لر اوچون همراه و همکار تیم‌لریمیز و موسسه‌لر غور ولایتی‌ده ایدیلر. ایچیم‌لیک سوو، آزیق-آوقت و باش‌پنه اوچون جلسه بولدی و موضوع‌لر شریک بولدی.»
اوتگن کون غور مرکزی فیروزکوه شهری گه علاوه، اوشبو ولایت نینگ شهرک، تولک، دولینه، دولتیار، مرغاب و چهارسده تومن‌لری گه هم سوو تاشقینی یوز بیریب و کوپینچه مالی زیانلر گه سب بولگن.
ایتیش کیره‌ک که، سوو تاشقینی یوز بیرگنی نتیجه‌سیده، غور تومن‌لریدن قطاری گه باریش کیلیش اوچون بولگن قتناو یوللر جمله‌دن غور-هرات قتناو یولی ترافیک یوزیگه یاپیلیب و مذکور ولایت‌ده‌گی تاریخی آبده‌لریدن بیری منار جام هم زیان کوریب و ییقیلیش خوفی بیلن روپه‌ره دیر.
