ینگی‌لیکده افغانستان ده بیرلشگن ملتلر تشکیلاتی نماینده‌لیگی (یوناما) نینگ بشری ایشلر بوییچه اۉرین باسری اندریکا راتوت، اسلام امیرلیگی باش وزیری نینگ سیاسی اۉرین باسری محمد عبدالکبیر بیلن اۉچره‌شوو ده، مملکت‌لردن افغانستان گه انسان پرورلیک یاردم سۉره‌ش گه قوشیمچه، ظرفیت نی آشیریش بولیمیده ایکّی میلیارد دالر یاردم اېسته‌گن.
اسلام امیرلیگی سۉزلاوچیسی نینگ اۉرین باسری حمدالله فطرت نینگ ایتیشیچه: «بو اۉچره‌شووده یوناما نینگ بشری ایشلر بوییچه اۉرین باسری اندریکا راتوت، انسان پرورلیک یاردم اوچون مملکت‌لردن اوچ میلیارد دالر یاردم سۉره‌ش گه قوشیمچه، بو نهاد ظرفیت نی آشیریش بولیمیده ایکّی میلیارد دالر هم اېسته‌گن.»
بیزلرنینگ فیسبوک صحیفه‌میزگه باش اورینگ!
سرپرست حکومت اقتصاد وزیرلیگی مسئوللری نینگ ایتیشلریچه، افغانستان گه انسان پرورلیک یاردم‌لر قیسقه مدت ایچیده عایله‌لر نینگ اقتصادی قیینچیلیگی و ییگولیک ماده‌لر خوفسیزلیگی اوچون نتیجه بیرمه‌یدی.
اقتصاد وزیرلیگی سۉزلاوچیسی عبدالرحمان حبیب گه کوره، بو وزیرلیک کمبغل‌لر سانینی کمه‌یتیریش اوچون ایش زمینه‌لرینی یره‌تیش گه سعی‌وحرکت قیلماقده‌لر.
خلق‌ارا آزیق-آوقت دستوری نینگ معلوماتی اساسیده، میلادی اوشبو ییل باشله‌نیشیدن حاضرگه قدر جرمنی ۱۵ میلیون یورو؛ روسیه بیر میلیون دالر، اروپا اتفاقی ۲۰ میلیون یورو؛ جنوبی کوریا تورت میلیون دالر؛ بریتانیا ۳۶ میلیون دالر، جاپان ۱۳ میلیون و اسپانیا هم بیر میلیون یورو اوشبو دستور آرقه‌لی افغانستان خلقی گه یاردم بیرگنلر.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه اقتصادی ایش بیلرمان‌لردن بیرقطاری، مملکت ده کمبغل‌لر سانینی کمه‌یتیریش اوچون انسان پرورلیک یاردم‌لر نتیجه بیرمسلیگی خصوصیده ایتیشلریچه، مملکت‌لر آست قورمه‌لر اوستیگه سرمایه یاتقیزیشی کېره‌ک.
بوندن آلدین، بیرلشگن ملتلر تشکیلاتی نینگ باش کاتبی آنتونیو گوترش، میلادی اوشبو ییل ده افغانستان نینگ یریمیدن آرتیق جمعیتی انسان پرورلیک یاردم‌لر گه محتاج‌لیگینی اېتگن اېدی.
