پایتخت یشاوچی‌لری دنیا ده کرونا نینگ اومیکرون ناملی ینگی قسمی نینگ رواجله‌نیشی توغریسیده خواطر بیلدیریب و ایتیش‌لریچه، اومیکرون باشقه ویروس‌لر کبی قوشنی مملکت‌لردن افغانستان گه کیریش خطری بار.

پایتخت یشاوچی‌لریگه کوره، اومیکرون نینگ رواجله‌نیش سرعتی یوقاری دیر، بیراق بو ویروس گه قرشی کوره‌ش اوچون ساغلیق نی سقلش وزیرلیگی نینگ تدبیرلریدن هیچ بیر خبر یوق.

کابل یشاوچی‌لری ساغلیک وزیرلیگی دن مذکور ویروس نینگ جدی آلیب و اونینگ مملکت گه کیریشی نینگ آلدینی آلیش اوچون برنامه قول آستیده آلیش‌لرینی سوره‌گن.

پایتخت یشاوچی‌لریدن بیری مهدیه نینگ ایتیشیچه: «بو ویروس نینگ ینگی قسمی دنیا بویلب جریان گه دیر و مملکت‌لردن قطاری اونینگ آلدینی آلیش اوچون چیکلاو یره‌تگن، بیراق افغانستان ساغلیق نی سقلش وزیرلیگی حاضرگچه بوتوغریده هیچ بیر اقدام قیلمه‌گن.»

بیزلرنینگ فیسبوک صحیفه‌میزگه باش اورینگ!  

پایتخت یشاوچی‌لریدن باشقه بیری مریم نینگ ایتیشیچه: «افغانستان کرونا ویروسی رواجلنه‌دیگن مملکت‌لردن بیری دیر. وضعیت خواطرلی دیر و ویروس کینگه‌یگن صورتده حکومت اهالی نینگ برابریده مسئول دیر.»

بیراق ساغلیق نی سقلش وزیرلیگی نینگ ایتیشیچه، مذکور ویروس نینگ افغانستان گه کیریشی نی آلدینی آلیش اوچون چاره و تدبیر کورگنلر.

ساغلیق نی سقلش وزیرلیگی سوزلاوچیسی جاوید هژیر: «ساغلیق نی سقلش وزیرلیگی مذکور ویروس قوشنی مملکت‌لردن افغانستان گه کیریشی نی آلدینی آلیش اوچون چاره و تدبیر کورگن. بولردن بیری سیار تیملر و افغانستان گه کیره‌دیگن شبهه‌لی یولاوچی‌لردن سمپل آلیش دیر.»

افغانستان گه اومیکرون نینگ کیریشی دن خواطرلر کوپه‌یگن بیرحالده، اوتگن هفته مذکور ویروس نینگ بیرینچی ایجابی واقعه‌سی ایران ده قید ایتیلگن.

دنیا ده اومیکرون گه چلینگن کسل‌لرنینگ سانی کوپه‌یگن بیرحالده، مملکت‌لردن قطاری مذکور ویروس نینگ آلدینی آلیش اوچون کیلیب-کیتیش‌لرگه چیکلاو یره‌تگنلر.

مرتبط با این خبر:

کلیدی کلمه‌لر: // // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام