افغانستان اوچون پاکستان خاص نماینده‌سی آصف علیخان درانی، اوتگن کون کابل گه سفر قیلیب و افغانستان تشقی ایشلر وزیرلیگی سرپرستی امیرخان متقی بیلن اوچره‌شگن. اسلام امیرلیگی نینگ ایتیشیچه، مذکور اوچره‌شووده ایکی تامان تورلی‌خیل موضوع‌لر جمله‌دن ایکی مملکت‌لر آره‌سیده دیپلماتیک رابطه‌لر کوچلنیشی خصوصیده صحبت قیلگنلر.
اسلام امیرلیگی سوزلاوچی اورین باسرلریدن بلال کریمی نینگ ایتیشیچه، اوشبو اوچره‌شووده تشقی ایشلر وزیرلیگی سرپرستی، پاکستان بیلن کوچلی دیپلماتیک رابطه‌لر برقرار‌لنیشی نی ایسته‌ب و اوشبو مملکت نماینده‌سی گه، افغانستان توپراغیدن هیچ بیر مملکت اینیقسه پاکستان تامان قوللنیلمه‌سلیگی خصوصیده ایشانچ بیرگن.
بیزلرنینگ فیسبوک صحیفه‌میزگه باش اورینگ!
جناب کریمی نینگ کوپه‌یتیریشیچه: «تورلی‌خیل موضوع‌لر خصوصیده صحبت قیلینگن و اسلام امیرلیگی تشقی ایشلر وزیرلیگی خوفسیزلیک خصوصیده هم ایشانچ بیرگن که، افغانستان توپراغیدن هیچ بیر مملکت گه قریشی تهدید یوق و شونینگدیک قوشنی مملکت‌لر اینیقسه پاکستان تامان تهدید‌لر اوچون رخصت بیرمه‌یمیز.»
بلال کریمی نینگ اورغولشیچه، اوشبو اوچره‌شووده آصف علیخان درانی، پاکستان افغانستان بیلن سیاسی و سوداگرلیک رابطه‌لری نی کینگه‌یتیریش ایسته‌یدی و مذکور رابطه‌لر نینگ کوچلنیشی کیره‌ک دیگن. اونینگ ایتیشیچه: «قرشی تامان هم خوفسیزلیک خصوصیده خورسند‌لیک بیلدیریب و پاکستام دیپلماتیک، سوداگرلیک و اقتصادی رابطه‌لر نینگ برقرار بولیشی نی ایسته‌یدی.»
باشقه بیر تامان‌دن، خلق‌ارا رابطه‌لر بیلرمان‌لریدن قطاری نینگ ایتیشلریچه، کابل گه پاکستان نماینده‌سی نینگ سفری‌دن مقصد، اوشبو مملکت خوفسیزلیک خواطرلر نینگ شریک قیلیش دیر.
خلق‌ارا رابطه‌لر بیلرمانی حبیب‌‌الله جعفری نینگ ایتیشیچه: «اولردن نینگ سفر قیلگن‌لری سبب‌لریدن بیری، پاکستان خوفسیزلیک خواطرلری نی شریک قیلیش دیر؛ چونکه اسلام امیرلیگی بو توغریده اولر بیلن همکارلیک قیلیشی نی توشینه‌دیلر. ایکی تامان نینگ ایکی‌تامان‌لمه رابطه‌سی بولیشی کیره‌ک و اوشبو اوچره‌شوولر رابطه‌لر نینگ کوچلنیشی خصوصیده فایده‌لی دیر.»
افغانستان و پاکستان آره‌سیده رابطه‌لر نینگ رواجلنیشی، شونینگدیک بو اوچره‌شووده صحبت قیلینگن موضوع‌لردن دیر. تشقی ایشلر وزیرلیگی سوزلاوچیسی توییتر صحیفه‌سیده یازیشیچه، اوشبو وزیرلیک سرپرستی آصف درانی گه ایکی مملکت اقتصادی رواجلنیشی، پروژه‌لر باشلنیشی و سوداگرلیک نینگ کوپه‌یشی اوچون فرصت‌لر اورته گه کیلگن دیگن.
شونینگدیک اقتصادی مسئله‌لر بیلرمانی، افغانستان و پاکستان آره‌سیده اقتصادی رابطه‌لر نینگ کیینگه‌یشی نی، ایکی مملکت سوداگرلیگی‌ده تاثیر قیلووچی دیب و ایتیشلریچه، پاکستان و افغانستان اقتصادی خلا‌لری نی قوشمه شکلده اورته‌دن کیتگزیشلری ممکن.
بیزلرنینگ توییترده هم تعقیب قیلینگ!
اقتصادی مسئله‌لر بیلرمان تاج‌محمد تلاش نینگ ایتیشیچه: «ایکی تامان اقتصادی رابطه‌لری نینگ قوریش کیتی‌ده دیر. ایکی تامان اقتصادی تعادل گه باریب و پاکستان هم اقتصادی طرف توتیش سیاست‌لری نی یکونلنتیریب و ینگی تعهد‌لر بیلن اقتصادی تعامل‌لر گه کیریشی کیره‌ک که بو رقم، هر مملکت منطقه‌ده اقتصادی تینچ‌لیک و ثبات گه ایریشسین.»
سونگی کون‌لر افغانستان ده پاکستان طالب‌لر تحریکی اعضاسی (تی‌تی‌پی) نینگ حضوری بارلیگی و حضوری یوقلیگی خصوصیده ایکی مملکت آره‌سیده لفظی جنجل‌لر کوپه‌یگنی و پاکستان برابریده افغانستان توپراغیدن قوللنیشی خصوصیده اوشبو مملکت رسمی‌لری نینگ ادعالری بولگنی که دایم اسلام امیرلیگی اونی اساس‌سیز دیگنی بیرحالده، کابل گه آصف درانی نینگ سفری صورت تاپگن.
