افغانستان ایشلری بوییچه پاکستان نینگ مخصوص نماینده‌سی آصف درانی، دوشنبه کونی پاکستان ده «پشتو ون» بیلن اوتکزگن صحبتیده ایتیشیچه، بیرلشگن ملت‌لر تشکیلاتی خوفسیزلیک کینگشی نینگ قطعنامهسی اساسیده، امریکا تروریزم نی یوق ایتیش اوچون پاکستان فضاسیدن فایده‌لنیب و افغانستان گه هجوم قیله‌دی. «بوتوغریده پاکستان دن شکایت بوله‌دی بیز جوابگرمیز، بیرلشگن ملت‌لر تشکیلاتی خوفسیزلیک کینگشی نینگ ۱۳۶۸ و ۱۳۷۳ رقم‌لری بونگه رخصت بیره‌دی، بوتون دنیا خوفسیزلیک کینگشی نینگ قطعنامهسی عملی بولیشگه متعهد دیر؛ سیزلر ایسته‌سنگیز یا که ایستمه‌سنگیز، تروریزم بولگن جای ده اولر هجوم قیله‌دی.»
آصف درانی سرپرست حکومت دن، بوتوغریده پاکستان دولتی دن شکایت قیلمسلیکلرینی سوره‌گن.
اسلام امیرلیگی، افغانستان ایشلری بوییچه پاکستان نینگ مخصوص نماینده‌سی آصف درانی نینگ بیاناتی گه مناسبت بیلدیریب، سرپرست حکومت هیچ کیمگه افغانستان گه هجوم قیلیش ایزینینی بیرمسلیگیدن آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
سلام‌وطندار بیلن صحبت اوتکزگن اسلام امیرلیگی سوزلاوچیسی نینگ اورین باسرلریدن بلال کریمی گه کوره، افغانستان فضاسیده حتا چوین هم هجوم قیلسه جیم تورمه‌یدیلر.
او نینگ ایتیشیچه: «افغانستان ایرکین بیر مملکت دیر و بوندن کیین بو مملکت فضاسیده حتا چوین هم هجوم قیلسه محکوم دیر و اسلام امیرلیگی جیم تورمه‌یدی، هیچ کیمگه هیچ قنده‌ی طرز و بهانه ده هجوم قیلیش گه ایزین بیرمه‌یمیز، افغانستان ایرکین بیر مملکت دیر و هیچ تامان بیلن قرشی ایمس.»
امنیتی وسیاسی ایش بیلرمان‌لر نینگ ایتیشلریچه، امریکا و بیرلشگن ملت‌لر تشکیلاتی خوفسیزلیک کینگشی گه اعضا مملکت‌لر نینگ افغانستان ده منفعت و هدف‌لری خطر ده بولسه، مبارزه اوچون اقدام قیلیب و پاکستان اوستیده‌گی باسیم باعث اولر گه زمینه یره ته‌دی.
استراتیژیک مطالعه‌لر و ملی امنیت تدقیقاتچیسی شمشاد عزیز کاظمی، جناب درانی نینگ بیاناتینی اسلام امیرلیگی ایشلریدن پاکستان نینگ ناراضی‌لیگی بیلگیسی عنوان قیله‌دی.
او نینگ کوپه‌یتیریشیچه: «بیرلشگن ملت‌لر تشکیلاتی خوفسیزلیک کینگشی گه اعضا اولکه‌لر تروریزم مسئله‌سیدن قورقه‌دیلر، اولر نینگ ادعالری گه بناً افغانستان ده تروریزم بولسه اولر مثبت آواز بیره‌دیلر.»
باشقه تاماندن، سیاسی ایش بیلرمان نجیب‌الرحمان شمال گه کوره، اسلام امیرلیگی دنیا همجمعیت بیلن همکارلیک قیلیب و افغانستان هیچ بیر مملکت اوچون تهدید ایمسلیگیدن اولر گه ایشانچ بیریشی کیره‌ک.
بیزلرنینگ توییترده هم تعقیب قیلینگ!
او نینگ ایتیشیچه: «تروریزم بهانه‌سیده پاکستان آرقه‌لی افغانستان گه هجوم قیلینگن تقدیرده، حاضرگی شرایط ده حکومت نینگ بو کبی حرکت‌لر گه قرشی کوره‌ش توانی یوق دیر، افغانستان دنیا اوچون تهدید ایمسلیگیدن ایشانچ بیریش مقصد اسلام امیرلیگی دنیا همجمعیت بیلن همکارلیک قیلیشی کیره‌ک.»
شونینگدیک، افغانستان ایشلری بوییچه پاکستان نینگ مخصوص نماینده‌سی گه کوره، بیرلشگن ملت‌لر تشکیلاتی خوفسیزلیک کینگشی نینگ قطعنامهسی اساسیده، امریکا القاعده ترماغی نینگ سابق رهبری ایمن‌الظواهیرینی کابل نینگ شیرپور منطقه‌سی و القاعده ترماغی نینگ اساسچیسی اسامه بن لادن نی پاکستان ده نشانگه آلیب اولدیرگن.
