اوتگن بیر کیچه و کوندوزده مملکت نینگ قطار ولایت‌لریده یوزبیرگن سوو تاشقین‌لر، اهالی‌دن کوپ قطاری نی هلاک و عایله‌لردن کوپ قطاری نی ماتم گه قویگن.
اوتگن بیر کیچه و کوندوزده شدتلی یاغیش‌لر نتیجه‌سیده یوز بیرگن سوو تاشقین‌لر، مملکت نینگ ولایت‌لریدن قطاری اینیقسه لوگر ولایتی نینگ خوشی تومنی‌ده اونلرچه یشش اوی و مینگلرچه ایکینچیلیک ییر نی تخریب قیلگن دیر.
بیزلرنینگ فیسبوک صحیفه‌میزگه باش اورینگ!
لوگر محلی مسئوللری نینگ ایتیش‌لریچه، اوتگن ۲۴ ساعت‌ده اوشبو ولایت‌ده یوز بیرگن سوو تاشقین‌لر سبب، ۲۰ کیشی هلاک، ۳۲ کیشی یره‌لنیب و ۴ کیشی یوقالگن دیر.
شونینگدیک اوشبو ولایت‌ده یوز بیرگن سوو تاشقین‌لر نتیجه‌سیده، ۳ مینگ ییش اوی تخریب و ۲ مینگ رأس چاروه تلف بولگن دیر.
لوگر امنیه قوماندانلیگی سوزلاوچیسی احمد‌الله انس نینگ سلام‌وطندار گه ایتیشیچه: «حاضرگچه ۲۰ وطن‌داشیمیز شهید بولگن و شهید بولگنلردن ۹ته‌سی باله و ۲ته‌سی عیال دیر. شونینگدیک ۳۲ کیشی یره‌لنگن و ۴ کیشی یوقالگن دیر.
شونینگدیک اوتگن بیر کیچه و کوندوز ده نورستان، لغمان و ارزگان ولایت‌لریده یوز بیرگن سوو تاشقین‌لر، اهالی گه کوپینچه مالی و جانی زیان ییتیشتیرگن.
شونده‌ی بیرحالده، ۲۴ ساعت‌ده نورستان ده یوز بیرگن سوو تاشقین‌ده ۱۵ کیشی هلاک و ۲۰ کیشی ایسه یره‌لنگن.
نورستان حاکمی سوزلاوچیسی سیف‌الدین لتون نینگ سلام‌وطندار گه ایتیشیچه، سوو تاشقین‌لر اهالی گه جانی زیان ییتیشتیرگنی گه علاوه، شونینگدیک مالی زیان هم ییتیشترگن و کوپینچه یشش اوی نی هم تخریب قیلگن دیر.
- پروان ده سوو تاشقینی عاقبتیده ۱۲۱ کیشی اولیب و یره‌لنگن
- ننگرهارده سوو تاشقینی عاقبتیده بیر عایله نینگ ۴ اعضاسی هلاک بولدی
- کاپیسا ده یوز بیرگن سوو تاشقین‌لر نتیجه‌سیده، اهالی گه کوپینچه مالی زیان ییتیشگن
باشقه بیر تامان‌دن، لغمان محلی مسئوللری نینگ ایتیش‌لریچه، اوتگن بیر کیچه و کوندوزده اوشبو ولایت‌ده یوز بیرگن سوو تاشقین نتیجه‌سیده، ۳ کیشی هلاک و ۱۵ کیشی ایسه یره‌لنگن.
ارزگان محلی مسئوللری نینگ ایتیش‌لریچه، اوتگن بیر هفته جریانیده اوشبو ولایت‌ده یوز بیرگن سوو تاشقین‌لر سبب،۱باله هلاک و ۲۸۰ گه یقین یشش اوی تخریب بولگن دیر.
طبیعی حادثه‌لر گه قرشی کوره‌ش ریاست رئیسی عبدالله خالد نینگ سلام‌وطندار گه ایتیشیچه: «اوتگن بیر هفته جریانیده یوز بیرگن سوو تاشقین‌لر نتیجه‌سیده کلۀ‌خور منطقه‌سیده یالغیز بیر باله هلاک و بیر قطار یشش اوی تخریب بولگن دیر.»
عین حالده، حادثه‌لر گه ییتیشیش بوییچه دولت وزیرلیگی نینگ ایتیشیچه، یاردم بیرووچی تیم‌لر لوگر ده یوز بیرگن سوو تاشقین نینگ تلفاتی و خساره‌لری نی سروی قیلماقده‌لر.
حادثه‌لر گه ییتیشیش بوییچه دولت وزیرلیگی سوزلاوچیسی محمدنسیم حقانی نینگ ایتیشیچه، اوشبو ولایت ده یوللر نینگ بند‌لیگی سبب، یاردم ییتیشتیریش قیین‌چیلیک بیلن روپه‌ره بولگن.
شونده‌ی بیرحالده، طبیعی حادثه‌لر اینیقسه سوو تاشقین نینگ یوز بیریشی، مملکت نینگ تورلی منطقه‌لریده اهالی گه کوپینچه خساره ییتیشتیرگن و شونینگدیک بیرقطار جانی زیان هم ییتیشتیرگن.
طبیعی حادثه‌لر بیلرمانی عبدالباسط رحمانی نینگ سلام‌وطندار گه ایتیشیچه، مملکت‌ده‌گی تیکشیروو و آگاه‌لنتیرووچی سیستم نینگ قیین‌چیلیگی بار و معیاری ایمس.
بیزلرنینگ توییترده هم تعقیب قیلینگ!
عین حالده، اوتگن بیر هفته‌ده مملکت‌ده یوز بیرگن سوو تاشقین‌لرده، ۶۰دن آرتیق کیشی هلاک و ۱۲۰ کیشی ایسه یره‌لنگن.
اوتگن بیر ییل‌‌ده موجود بولگن باشقه قیین‌چیلیک‌لر یانیده، اوشبو ییل افغانستان اهالی‌سی اوچون طبیعی حادثه‌لر بیلن توله تلفات‌لی بیر ییل ایدی، بیراق حادثه‌لر گه ییتیشیش اوچون حکومت تامانیدن فایده‌لی بیر میکانیزم یوقلیگی، اساسی قیین‌چیلیک‌لردن دیر که دایم اهالی گه کوپینچه تلفات و خساره ییتیشتیرگن.
