لوگر محلی مسئوللری نینگ ایتیش‌لریچه، اوتگن کون اوشبو ولایت مرکزی پل‌علم شهری و خوشی و محمدآغه تومن‌لریده یاغگن شدتلی یامغیرلردن کیین، سوو تاشقین یوز بیرگن.
لوگر حاکمی سوزلاوچیسی عمر منصور نینگ سلام‌وطندار گه ایتیشیچه، اوشبو سوو تاشقین‌لر نتیجه‌سیده عیال‌لر و باله‌لر شامل ۲۰ کیشی هلاک بولگن.
لوگر حاکمی سوزلاوچیسی نینگ کوپه‌یتیریشیچه، خوشی تومنی‌ده کمیده ۳۰۰۰ یشش اوی بوزیلیب و شونینگدیک ۲۰۰۰ چاروه تلف بولگن.
بیزلرنینگ فیسبوک صحیفه‌میزگه باش اورینگ!
جناب منصور گه کوره، لوگر محلی اداره‌لری نینگ سعی و حرکتی بیلن اوتگن کیچه سوو تاشقین یوز بیرگن منطقه‌لردن یوزلرگچه عایله نی تینچ منطقه‌لر گه انتقال بیرگنلر و سوو تاشقین‌لردن زیان کورگن عایله‌لر خوشی تومنی بناسی یقین‌لیگیده‌گی کمپ گه انتقال تاپیش‌لری ممکن.
شونده‌ی بیرحالده، خوشی تومنی نینگ قوم بویوک‌لریدن بیری لطف‌الله نینگ سلام‌وطندار گه ایتیشیچه، اوشبو تومن نینگ «ابتک» منطقه‌سی اوتگن کیچه یوز بیرگن سوو تاشقین‌لر نتیجه‌سیده شدتلی شکلده زیان کورگن.
شونینگدیک محمدآغه تومنی نینگ «دِه‌نو» قیشلاغی یشاوچیلریدن کریم‌الله نینگ سلام‌وطندار گه ایتیشیچه، اوشبو تومن نینگ «دادوی» منطقه‌سیده ایکی عیال نینگ جسدی تاپیلگن و سوو تاشقین‌لر نتیجه‌سیده، اونلرچه یشش اوی و مینگ‌لب جریب ایکینچیلیک ییر اورته‌دن کیتگن.
اونینگ کوپه‌یتیریشیچه، لوگر دریاسی نینگ سووی هر ساعت کوپه‌یماقده دیر که یوزلرچه یشش اوی نی تخریب بولیش خطری بیلن روپه‌ره قیلگن و دولت اوشبو عایله‌لر نی تیزلیککه تینچ ییرلر گه انتقال بیریش‌لری کیره‌ک.
بیزلرنینگ توییترده هم تعقیب قیلینگ!
ایتیش کیره‌ک که، شونینگدیک بوندن آلدین اوشبو ولایت نینگ پل‌علم شهری و محمدآغه، خوشی، بره‌کی برک، چرخ و خروار تومن‌لریده یوز بیرگن سوو تاشقین، اهالی گه کوپینچه تلفات و مالی زیان ییتیشتیرگن دیر.
