«اروپا کیتماقچین ایدی، بیراق توپراق آستیگه کیتدی» بو ناقانونی مهاجرلیک باعث ایناغه‌سینی قولدن بیرگن سینگلی نینگ بیاناتی نی بیر بولیمی دیر.
نور احمد قرلق نینگ سینگلی‌سی خانم مینا نینگ ایتیشیچه، یاش-ییگیت ایناغه‌سی اروپا اولکه‌لریدن بیری گه سفر قیلیش‌نی ایسته‌گن ایکن، بیراق برچه آرزو و امیدلری بیلن توپراق آستیگه کیتگن. خانم مینا گه کوره، نور احمد قرلق ۱۰ ییل‌دن بویان ترکیه ده حیات کیچیرماقده ایدی و او اروپالیک مملکت‌لردن بیری گه سفر قیلیش اوچون قرار قیلگن ایکن.
خانم مینا نینگ ایتیشیچه، ایناغه‌سی افغانستانده‌گی ناتینچلیک و ایش یوق‌لیگی باعث اولکه‌نی ترک قیلیب و ناقانونی یوللر آرقه‌لی ترکیه گه سفر قیلگن ایدی. نور احمد، بو پیتده افغانستان گه هیچ کیلمه‌گن و افغانستان گه کیلیش اوچون قرار هم آلمه‌گن.
خانم مینا نینگ کوپه‌یتیریشیچه، نور احمد نی افغانستان گه قیتیب کیلیشی اوچون اونینگ نامزاد قیلگنلر، لیکن نامزادلیگی‌دن نیچه پیت اوتمسدن حیاتی نی قولدن بیریب، یلغانچی دنیادن کوز یومگن.
خانم میناگه کوره، گل احمد قرلق آتلی باشقه بیر ایناغه‌سی ۸ ییل غزنی ولایتیده امنیتی کوچلرنینگ صفیده ایش قیلگن. خانم مینا ۳ باله‌سی و آنه‌سی نینگ عایله‌سی بیلن کابل ده بیر کرایی اویده حیات کیچیرماقده ایدیلر و بوتون خرجتی ایکی ایناغه‌سی تامانیدن توللنه‌دی ایدی.
لیکن گل احمد آتلی ایناغه‌سی بوندن بیر ییل آلدین غزنی ولایتیده شهید بولگن و شهید بولگن ایناغه‌سیدن تورموش اورتاغی و ۲ قیز باله قالگن. خانم مینا نینگ ایتیشیچه، ایناغه‌سی اولگنیدن کیین آنه‌سی نینگ عایله‌سیگه یوک بولیش نی ایستمه‌ی و باشقه بیر کرایی اویگه کوچیب کیتگن.
خانم مینا گه کوره، غزنی ولایتیده حربی بولگن ایناغه‌سی شهید بولگنیدن کیین، آنه‌سی، ایناغه‌لری، ایناغه‌سی نینگ تورموش اورتاغی و ایناغه سیدن قالگن ۲ قیز کوپینچه قیین‌چیلیک‌لر بیلن روپه‌رو بولگنلر و مذکور کیشی‌لر نینگ خرجتی ترکیه‌ده‌گی ایناغه‌سی تامانیدن بیریله‌دی ایکن، بیراق ترکیه‌ده‌گی ایناغه سی هم ۱۰ آیدن کیین اولگن.
خانم مینا نینگ ایتیشیچه، ترکیه ده اولگن ایناغه‌سی نینگ حقیده فرقلی معلومات‌لر بیریلگن، بیرینچی ده اوغیرلاوچیلر تامانیدن اولدیریلگنی نی بیلدیریلگن، لیکن نیچه پیتدن کیین نور احمد اوغیرلاوچیلر تامانیدن ایمس، بلکیم قصدا نشانگه آلینیب اولدیریلگن.
مینا نینگ کوپه‌یتیریشیچه، قاتل احمد نینگ دوستی نی اوققه توتماقچی بولگن بیرحالده، ترکیه‌لیک بیر ایرکک اوزینی اونینگ اوستیگه تشله‌گن و انه شو شکلده ایناغه‌سی نی قاتلی قولگه آلینگن.
مینا نینگ ایناغه‌سینی قاتلی گه کوره، نوراحمد سینگلی‌سینی اذیت قیله‌دی ایکن و انه شو سبب اونینگ اولدیرگن، بیراق نوراحمد نینگ قوشنی‌سی بو خبرنی رد قیلگن.
مینانینگ ایتیشیچه، حاضر بیر ایناغه‌سی بیلیم یورتی بیتیرگن، لیکن هیچ ایشی یوق و ایش تاپیش اوچون سعی و حرکت قیلماقده و باشقه بیر ایناغه‌سی اوقووچی دیر.
اونگه کوره، باشقه ۲ ایناغه‌سی هم بار کیم اولردن بیری تخار ولایتیده تیریکچیلیک قیله‌دی و بیزلرگه اقتصادی نقطه‌ی نظردن یاردم بیره‌آلمه‌یدی و ینه بیرته‌سی ترکیه‌ده اوی مصرفی نی چیقاره‌دی.
عین حالده، مهاجرلر وزیرلیگی نینگ ایتیشیچه، ناقانونی مهاجرلیک خصوصیده معلومات بیریش مرکزینی ایجاد قیلیشی گه علاوه، تورلی برنامه‌لر قولگه آلینگن.
مهاجرلر وزیرلیگی نینگ رسانه‌یی مصلحتچی سید عبدالباسط انصاری نینگ ایتیشیچه، ناقانونی مهاجرلیک خصوصیده قطار برنامه‌لری بار و او برنامه‌لر اجتماعی ترماقلر و رسانه‌لر آرقه‌لی نشر بوله‌دی. شونینگدیک، ناقانونی مهاجرلیک نینگ خطری خصوصیده هم معلومات بیریشگن.
جناب انصاری‌گه کوره، باش پناه ایسته‌یدیگن افغانستان‌لیکلر، اینیقسه ناقانونی مهاجرلر اروپالیک مملکتلر تامان باریش نی ایسته‌یدیلر.
مهاجرلر وزیرلیگی نینگ رسانه‌یی مصلحتچیسی نینگ ایتیشیچه، اروپا بیرلیگی هر ییل نینگ آخریده، هر مملکتدن باش پناه ایسته‌گن کیشیلرنینگر رقمی نی اعلام قیله‌دی.
اونینگ کوپه‌یتیریشیچه، ۲۰۲۰- ییل باشلنگنیدن حاضرگچه کمیده ۵۰۰ مینگ افغانستان‌لیک یشاوچیسی تورلی مملکت‌لردن اولکه گه قیتگن.
اونینگ تاکید قیلیشیچه، ناقانونی مهاجرلیک قیینچلیکلرنینگ حل قیلیش یولی ایمس، بلکیم ناقانونی مهاجرلیک قیینچلیکلرنینگ کوپه‌یتیره‌دی. او، ناقانونی مهاجرلیک گه یوز کیلتیره‌دیگن کیشی‌لردن مملکتده قالیش‌لرینی سوره‌گن.
مهاجرلیک معلومات مرکزینی اویغونلنتیروچیسی سید شیر حسین هنریار نینگ ایتیشیچه، بو اداره ناقانونی مهاجرلیک قیله‌دیگن کیشی‌لرگه تورلی یوللر آرقه‌لی بی پول مصلحت بیریش خذمت قیله‌دی.
جناب هنریارگه کوره، بو اداره ناقانونی مهاجرلیک نینگ خطرلری خصوصیده معلومات بیریب و قانونی مهاجرلیک یوللرینی کورسته‌دی.
افغانستانده ناتینچلیک، ایش‌سیزلیک، یمان اقتصادی وضعیت ناقانونی مهاجرلیکلرنینگ اصلی عاملی بولگن.
