۲۵ یاشیده بولگن امیرداد غور ولایتی نینگ یشاوچی‌سی دیر. امیرداد بیر ییل آلدین عایله‌سی نینگ ایکی عضوی بیلن بیرلیکده کم‌‌بغللیک و ایش‌سیزلیک باعث، ایران‌گه سفر قیلگن.

امیرداد نینگ ایتیشیچه، کوپینچه قیین‌چیلیک بیلن ناقانونی مهاجرلیک آرقه‌لی ۴ مرته ایران اولکه‌سیگه سفر قیلگن، بیراق اوتگن ییل سیستان – بلوچستان قتناو یولیده قانلی ترافیکی حادثه‌گه گواه بولگن.

اونینگ، ناقانونی سفرلردن اونیتیلمه‌یدیگن یمان خاطره‌لری بار. امیرداد نینگ ایتیشیچه، مذکور ترافیکی حادثه‌ده عایله‌سی نینگ ایکی عضوی شامل ۳۰ افغانستان‌لیک مسافر دنیا دن اوتگن.

امیرداد نینگ حکایه‌سی ایران اولکه‌سیگه باریش بیلن یکونلنمه‌یدی و عایله اعضاسیگه هم پول تاپیب یوباریشده قادر بولمه‌یدی.

امیرداد نینگ حکایه‌سیگه کوره، ایران اولکه‌سیده نیچه آی ایشله‌گن، لیکن ایران‌لیکلر اونینگ حقی‌نی توللمه‌گنی باعث، اوی‌گه پول‌سیز قیتیب کیلگن.

عین‌حالده، امیرداد افغانستان‌لیک یاش‌لردن هیچ‌بیر زمان ناقانونی مهاجرلیک آرقه‌لی، سفر قیلمه‌یش‌لرینی سوره‌یدی.

غور ولایتی بوییچه مدنی فعال‌لردن بیرقطاری نینگ ایتیش‌لریچه، افغانستانده امنیت و ایش بولمگنی باعث، یاش‌لر جان‌لرینی خطرگه تشله‌ب افغانستان نی ترک قیلیش‌گه مجبور بوله‌دیلر.

غور مدنی جماعه‌چیلیک مسوولی فضل‌الحق فایق نینگ ایتیشیچه، اوشبو ولایت نینگ قشلاق‌لریده حیات کیچیره‌دیگن هر بیر عایله‌دن بیر کیشی ناقانونی مهاجرلیک آرقه‌لی، سفر قیلگن و کوپینچه قیین‌چیلیکلرنی تحمل قیلگن.

جناب فایق نینگ کوپه‌یتیریشیچه، ناقانونی مهاجرلیک آرقه‌لی سفر قیلگن یاش‌لردن بیر قطاری یول‌ده دنیا دن اوتگن و باشقه بیرقطاری ایسه نیچه ییل‌دن سونگ، مخدره ماده‌لرگه چلینگن، عایله‌سیگه یوک بولگن.

غور ولایتی بوییچه مهاجرلر و باش‌پناه ایزلاوچی‌لر ریاستی مسوول‌لری نینگ ایتیش‌لریچه، اوتگن ۹ آی جریانیده یالغیز غور ولایتیدن ۱۰۲۲ کیشی ناقانونی مهاجرلیک آرقه‌لی، ایران‌گه سفر قیلگن، بیراق ایران حربی‌لری تامانیدن سورگون قیلینگن. مسوول‎لرنینگ ایتیش‌لریچه، مذکور ۱۰۲۲  کیشی‌دن ۳ یوزی ته‌سی ۱۸ یاشدن کیچیک باله بولگن.

عین‌حالده، غور ولایتی بوییچه مهاجرلیک ریاستی باشلیغی عبدالروف غفوری نینگ سلام‌وطندارگه ایتیشیچه، انسان قاچاقچی‌لری پول تاپیش و یخشی حیات کیچیریش اوچون یاش‌لر و یاش ییگیت‌لرنی آلده‌‎ب، گروگه آله‌دیلر.

جناب غفوری‌، دنیا بوییچه مهاجرلیک تشکیلاتی «IOM» دفتری نینگ یاردمی بیلن ییگولیک آذیق-اوقات و نقده‌ پول یاردم بیریشیدن خبر بیرگن.

شونینگدیک، غور ولایتی بوییچه مهاجرلیک اداره‌سی مسوول‌لری، کرونا کسل‌لیگی‌گه یولیقیب غور ولایتیگه قیتیب کیله‌دیگن عایله‌لرگه باشقه اداره‌لر یاردمی آرقه‌لی یاردم بیریلیشی‌نی بیلدیرگن.

کلیدی کلمه‌لر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام