بغلان یشاوچی‌لریدن بیرقطاری ۸ کیشی‌لیک بیرعایله نینگ کته فرزندی عزیزآغا نی بوتون آرزولری بیلن توپراققه قویه‌دیلر. عزیزآغا ۲۸ یاشر ایدی و بغلان بیلیم یورتی نینگ تعلیم و تربیه فاکته‌سیدن فارغ بولگن ایدی. او، بیلیم یورت دن فارغت سندی قولگه کیلتیرگنیدن سونگ، ایکی ییریم ییل اوشبو بیلیم یورت نینگ اداری بولیمی ده افتخاری شکلده ایشله‌گن.
ایش‌سیزلیک سبب، عزیزآغا باشقه ۴ کیشی بیلن ناقانونی مهاجرلیک آرقه‌لی یولگه چیقه‌دیلر. اولر، ایران یولی آرقه‌لی ترکیه گه باریش‌گه قرار قیله‌دیلر؛ لیکن نیچه کون آلدین نیمروز ولایتیده چیگره دن اوتیب ایران تامان باره‌دیگن پیتده، ایران حربی‌لری تامانیدن اوق آُستیگه قرار بیریله‌دیلر و نتیجه ده عزیزآغا هلاک ایتیلگن.
عزیزآغا نینگ اقارب‌لری و یقین‌لری او اوچون فاتحه مراسمی یولگه قویگن‌لر. اولرنینگ ایتیش‌لریچه، اوشبو مراسم اونینگ اوزی بیلن توپراق آُستیگه آلیب کیتگن یخشی‌لیکلری اوچون دیر.
فیسبوک صحیفه‌میزنی تعقیب قیلینگ
عزیزآغا نینگ یولداشی یما اوشبو سفر ده شانس‌لی ایکن و جانی‌نی قوتقرگن. اونینگ ایتیشیچه: «بیز ۵ کیشی پلخمری دن ایدیک قاچاقچی نینگ هماهنگ‌لیگی بیلن حرکت قیلدیک و بیر کیچه کوندوز ده نیمروز ولایتی‌گه ییتیشدیک. قاچاقچی بیزلرنی نیچه گروه‌گه اجره‌دی، هوا ایسیق ایدی و پیاده یول یوریش هرکیم‌نی خسته قیلگن ایدی. چیگره او تامانیده باریش‌گه قصد قیلدیک مذکور منطقه دن اوتگن پیت ده آتیشمه سیسی‌نی ییشیتک، او منطقه دن قاچیش‌نی ایسته‌دیک، لیکن قاچاقچی جای‌لرینگیزدن تورمه‌نگ دیب سیس چیقاردی، ایران حربی‌لری تامانیدن اوق آتیلگنی نتیجه‌سیده، عزیزآقا جانی‌نی قولدن بیردی.»
- مهاجرلیک؛ بارز: افغانستان ده قالیب و کریکت اوینه‌ش نی ایستردیم
- افغانستان‌لیک میدیا فعالی مهاجرلیکده هم میدیا ایش‌لریدن قول تارتمه‌گن
- نامنظم مهاجرلیک؛ بیر ییل جریانیده ۵۰۰ مینگ مهاجر ایران دن مملکت گه قیتیب کیلگن
- مهاجرلیک؛ مملکت گه قیتگنیدن کیین یوتوقلرگه ایریشگن ییگیت نینگ حکایه‌سی
یما نینگ سلام‌وطندارگه ایتیشیچه، یاش‌لرگه ایش زمینه‌سی یره‌تیلگن صورتده، هیچ‌بیر زمان مملکت‌نی ترک قیلمه‌یدیلر. یما، یاشلردن قاچاقچی‌لرنینگ سوزلریگه ایشانمه‌یشی‌نی سوره‌ب و هیچ‌بیر زمان خطرلی یول‌لر آرقه‌لی باشقه مملکت‌لرگه بارمه‌یش قرار قیلمه‌یش‌لرینی ایسته‌گن.
عزیزآغا نینگ آته‌سی جان‌آغا پلخمری شهری نینگ بیر گوشهسیده دکاندارلیک قیله‌دی. اونینگ ایتیشیچه، ایش‌سیزلیک سبب، اوغلی مملکت‌نی ترک قیلگن. جان‌آغا نینگ ایتیشیچه، اوغلی کیله‌جگی‌نی توزه‌تیش و حیاتی‌نی ایلگری آلیب باریش اوچون باشقه یولی یوق ایدی.
جان‌آغا نینگ ایتیشیچه: «عزیزآغا نیچه مرته چیت‌ایللیک مملکت‌لردن بیریگه باریشی‌نی ایسته‌دی، حیات قیین‌چیلیگی کوپ دیر دیدی و رخصت بیر تشقی مملکت‌لردن بیریگه باره‌ی دیدی و مین هردایم اونینگ مملکت‌نی ترک قیلیشی‌گه توسیق بوله‌ریدیم و تورموش قوریشی‌نی طلب قیلدی، لیکن قیین‌چیلیک‌لریمیز کوپ بولگنی سبب، اونینگ ایسته‌گی‌نی برآورده قیله آلمه‌دیک و نتیجه‌ده اونینگ مملکت‌نی ترک قیلیشی‌گه رضایت بیلدیردیک و او یولگه چیقدی.»
جان‌آغا باشقه عایلهلردن باله‌لرینی حجت‌سیز شکلده چیت‌ایللیک مملکت‌لرگه باریش‌لری اوچون رخصت بیرمه‌یشینی سوره‌یدی.
عزیزآغا نینگ اقارب‌لریدن بیری احمدفواد آریا نینگ سلام‌وطندارگه ایتیشیچه، ایش‌سیزلیک و کم بغل‌لیک عزیزآغا نی چیت‌ایللیک مملکت‌لردن بیریگه باریش‌گه مجبور قیلدی.
آریا نینگ ایتیشیچه، بغلان بیلیم یورتی اونگه ایش زمینه‌سینی یره‌تگن بولسه ایدی، عزیزآغا هیچ‌بیر زمان ایران تامان یولگه چیقمس ایدی.
عزیزآغا، بغلان بیلیم یورتی‌ده ایش تجربه‌سی بولگنی چیککه‌سیده، سپورت ده هم علاقمند ایدی و ملی و محلی بیلشوولردن کوپ قطار مدال قولگه کیلتیرگن ایدی.
عین‌حالده، بغلان ولایتی بوییچه مهاجرلر و باش‌پناه ایزلاوچی‌لر ریاستی باشلیغی شریف‌الله شفق نینگ ایتیشیچه، مهاجرلر و باش‌پناه ایزلاوچی‌لر وزیرلیگی تاثرلی برنامه‌لر و ریجه‌لر ایجاد قیلیش بیلن کیله‌جک‌لرده یاش‌لر اوچون ایش زمینه‌سینی یره‌تیش‌گه سعی و حرکت قیله‌دی.
بغلان ولایتی بوییچه مهاجرلر و باش‌پناه ایزلاوچی‌لر ریاستی باشلیغی نینگ کوپه‌یتیریشیچه، مملکت چیگره‌لریده نماینده‌لیکلری بار و زیان کورگن مهاجرلرگه نقده پول و قربان بولگن‌لرگه درمان‌لش زمینه‌سی یره‌تیله‌دی.
ایش‌سیزلیک، کم‌بغل‌لیک و ناتینچلیک سبب، افغانستان یشاوچی‌لریدن اونلرچه‌سی کونده مملکت‌نی ترک قیله‌دی و اولردن بیرقطاری عزیزآغا نینگ سرنوشتی بیلن روپه‌ره بوله‌دیلر؛ بیراق افغانستان دولتی حاضرگه‌قدر نامنظم مهاجرلیککه توسیق بولیش اوچون منظم بیر برنامه قولگه آلمه‌گن.
