احمدشاه پاسون، هلمند ولایتی نینگ یشاوچیسی دیر که ۱۵ ییل پاکستان ده حیات کیچیریب و کوپینچه قیینچیلیکلرنی باشدن اوتکزگن و اونینگ مهاجرلیک دن یمان و اَچیق خاطره‌لری بار.
او، مهاجرلیک زمانی ده اوقیش دن محروم و بیر لقمه نان تاپیش اوچون قیین ایش‌لرنی انجام بیریش گه زورلنگن ایکن. احمدشاه پاسون نینگ ایشانچی گه کوره، قیینچیلیکلرنی تحمل قیلیش انسان نی ییتیشتیره‌دی. اونینگ ایتیشیچه: «تیمیر نی هرقنچه کوپراق اورسنگ، اوشنچه قتیق بوله‌دی.»
احمدشاه نینگ ایتیشیچه: «بیزلر یخشی نان ییمه‌گن‌میز و قولگه کیلتیرگن هر بیر نرسه نی، یوره‌ک نی قانی بیلن قولگه کیلتیرگن‌میز. هر دایم بو قیینچیلیک‌لرگه دوچ کیلگن‌میز. شونداغ وقت‌لرهم کیلگن که بیر کیلو شکر ساتیب آلالمه‌گن‌میز. اون نی بوجی‌سی بیلن ساتیب آلالمه‌یدیک و هر کون تورت تورت کیلو ساتیب آلیدیک. بو بیزلرنی اقتصادی قیینچیلیک‌لریمیز ایدی، او ییرده بیزلرنی مهاجر صفتیده کوره‌دی ایدیلر. اوقیش بیزلرنینگ تیلی میزگه ایمس ایدی و مهاجرلرنینگ کمپی نی یقیین‌لیگیده هیچ بیر مکتب هم یوق ایدی.»
بیزلرنینگ فیسبوک صحیفه‌میزگه هم باش اورینگ!
اوشبو قیینچیلیک‌لرگه علاوه، احمدشاه نی اینگ کوپ آزارلنتیرگن نیرسه، اوقیش گه قول تاپه آلمه‌سلیک ایکن. مهاجرلیک نینگ قیینچیلیک‌لری و اوقیش گه قول تاپه آلمه‌سلیک باعث، احمدشاه اوز مملکتی گه قیتگن. او افغانستان ده ایش گه علاوه، کیچه و کوندوز قیلگن سعی و حرکتی بیلن مکتب نی یکونلنتیریب و عالی اوقوو نی حقوق و سیاسی بیلیم‌لر بولیمی دن فارغ بولگن.
احمدشاه پاسون بیلیم یورت گه درس بیرگن و شونینگدیک اونملی اداره‌لرده ایش بجرگن و رسانه‌لرگه مجری صفتیده ایش گه باشله‌گنیدن کیین کوپ مشهور بولگن. احمدشاه پاسون نینگ ایتیشیچه: «بو ییرده زحمت قیله‌دی ایدیم، بو ییرده ایش قیله‌من و پیشرفت قیلیش گه انگیزم بار ایدی، بو ییر اوز مملکتیم ایدی و اهالی ایش‌لریم گه ارزش بیره‌دی ایدی. بو ییرده ایش قیلیش کوپ یخشی دیر. مین شاعرلرنینگ جامعه‌سیده یول تاپدیم و کیین ایسه خرچیلیک بولیمی گه کیردیم و رسانه گه کیرگنیم دن کیین، شهرت گه ییتیشدیم. تینگریم گه شکرلر بولسین حاضر حیاتیم دن کوپ راضی من. حاضر مردم مینگه کوپ حرمت بیره‌دی و نهایتده بعضی کیشیلر مینی کوریش نی آرزو قیلیب ایته‌دیلر، که کاش بیر مرته مینی کوره آلسه‌لر.»
- ناقانونی مهاجرلیک و روانی قیینچیلیک‌لرگه چلینگن ییگیت نینگ حکایه‌سی
- مهاجرلیک؛ مقصد یا-ده اولیم گه آلیب باره‌دیگن یول
- افغانستانلیک متقاعد افسرنینگ مهاجرلیک حکایه‌سی
- ناقانونی مهاجرلیک؛ «اروپا کیتماقچین ایدی، بیراق توپراق آستیگه کیتدی»
جناب پاسون نینگ ایتیشیچه، مملکت گه قیتگنیدن کیین، حیاتی گه ایجابی اوزگریش‌لیکلر کیلگن که بونده‌ی اوزگریش‌لیکلر مهاجرلیک عالمی ده امکان‌سیز ایکن.
شونده‌ی بیرحالده، هلمند خبرچیلر بیرلیگی باشلیغی زین‌الله استانکزی، احمدشاه پاسون نینگ رسانه‌یی فعالیت‌لری توغریسیده ایتیشیچه، کم وقتده کوپ یوتوقلرگه ایریشگن. «او مملکتده قیته کیلگن وقتده، دستلبکی و عالی تحصیلاتی نی بیتتیرگن یوق ایدی. مکتب دن اوقیش گه باشله‌دی. رسانه گه ایش گه باشله‌دی و کیین ایسه بیلیم یورت گه کیردی. رسانه گه یخشی آلغه کیتدی و بو ایش ایسه اونگه فایده‌لی تمام بولدی.
بیزلرنینگ توییترده هم تعقیب قیلینگ!
هلمند خبرچیلر بیرلیگی مسئولی گه کوره، مملکتده اوقیش و زمینه‌سی باشقه هر ییر گه قره‌گنده کوپراق مساعد دیر. مملکت گه قیته کیلگن کیشی‌لردن کوپینچه‌سی اوقیش و ایش تاپیش بولیم‌لریده کوپینچه قیینچیلیک‌لرگه روپه‌رو بولگن بیرحالده، بیراق مهاجرلر وزیرلیگی بو قیینچیلیکلرنی حل قیلیش اوچون تینچ اولتیرمه‌گن.
مهاجرلر وزیرلیگی نینگ رسانه‌لر بولیمی مصلحتچیسی سیدعبدالباسط انصاری نینگ ایتیشیچه، ایش و اجتماعی ایشلر وزیرلیگی و یاردمچی نهادلرنینگ همکارلیگی بیلن مینگ‌لرچه ییگیت گه ایش و مسلکی اوقیش زمینه‌سی یره‌تیلگن.
مهاجرلر وزیرلیگی نینگ آماری اوتگن نیچه ییل ده ۶ الی ۸ مینگ کیشی گه ایش و اوقیش زمینه‌سی یره‌تیلگنی نی کورسته‌دی، بیراق مملکتده قیتگنلر بو موضوع دن ناراض دیر و بو قطار کیشیلرگه ایش زمینه‌سی یره‌تیلگنی نی کوپ کم دیگنلر. اولرنینگ ایتیش‌لریچه، مملکتده قیته کیله‌دیگن کیشیلر ینه بیر مرته ناقانونی مهاجرلیک آرقه‌لی باشقه ممکلت‌لرگه مهاجرلیک قیلمه‌یشی اوچون، ایش و اوقیش زمینه‌سی یره‌تیلیشی اوچون کوپراق حرکت قیلینیشی کیره‌ک.
