ترکیه پولیسی آرقه‌لی کلتکلنگنی نینگ نشانه‌لری، حاضرهم بدنی ده کورینه‌دی. او حزین‌لنگن سیما و قیغولی سیسی بیلن ناقانونی مهاجرلیک نینگ یمان وضعیتی نی تعریف قیله‌دی.
دولتی بیر مکتب ده انگلیسی تیل اوقیتووچیسی بولگن شمس‌الله احمدزی، ایکی آی آلدین قشاقلیک و اجتماعی عدالت‌سیزلیک باعث ناقانونی مهاجرلیککه یوزکیلتیرگن؛ بیراق او بو یولده قنچه‌لیک قیینچیلیک‌لرگه دوچ کیلیشی دن خبرسیز ایکن.
شمس‌الله سفری نینگ حکایه‌سینی کوپ اَچیق دیب و ایتیشیچه، بو یولده هر نیرسه‌سینی قولدن بیرگن و حیاتی حاضر قیینچلیک‌لردن تولیق دیر.
مذکور افغانستان یشاوچیسی ترکیه تامان یولگه آلگنی توغریسیده سلام‌وطندارگه ایتیشیچه: «اوغیرلاوچیلر یاووایی بوریلر کبی بیزلرگه هجوم قیلدی، بیزلرنینگ اوستی‌میزگه اوریشیب و فارسی گه اَیته‌دی ایدی که (بو مینینگ مالیم). شونده‌ی بیرحالده، بیزلر ترکیه نینگ چیگره دروازه‌سی تامان قاچدیک، ترک عسکرلری بیزلرگه اوق آتدی و بیزلر ایسه قیتدیک. شو یوزه‌دن بیزلر اوغیرلاوچیلرنینگ قولیگه توشدیک، بیزلرنی قیناققه سالیب و بیزلرگه ایته‌یدیلر که اویلریز گه قونغراق قیلینگیزلر که پول یوبارسین. مینگه باسیم کیلتیردیلر و مین ۲۰۰ دالر اویم دن تیله‌تیم، کیین ایسه قوییب یوباردیلر.»
بیزلرنینگ فیسبوک صحیفه‌میزگه هم باش اورینگ!
شمس‌الله احمدزی نینگ اورغولشیچه، ناقانونی مهاجرلیک نینگ یولیده برچه نیرسه‌سینی قولدن بیرگن، بیراق ایتیشیچه، بختلی ایکن که اولیم دن نجات تاپگن.
اونینگ کوپه‌یتیریشیچه: «بیزلرنی کلتکلب و پوسته‌لرگه ایش‌لش و مراقبت برج‌لر قوریش اوچون زورلنتیریدی. ایش جریانیده هم بیزلرنی کلتکله‌یدیلر و شونچه آوقت بیریدیلر که آچلیک دن اولمه‌سک. کییم‌لریمیزنی آلدیلر و شونینگدیک موبایلم نی هم آلدیلر و قان گه تولگونگه قدر قیناققه سالدیلر.
عین حالده، شمس‌الله احمدزی نینگ عایله اعضالری نینگ ایتیش‌لریچه، شمس‌الله اویی گه تیریک قیتگنی اوچون خرسندلر دیر. بیراق مملکتده‌گی قیینچلیکلر و اقتصاد یمان‌لیگی اونینگ ینه بیر مرته بو یولگه تارتیشی دن خواطرگه‌لر. شمس‌الله احمدزی ایناغه‌سی ممتاز احمدزی نینگ ایتیشیچه، ناقانونی مهاجرلیک ایناغه‌سیگه روانی ضرر ییتیشتیرگن و اونینگ ساغلیک وضعیتی یخشی ایمس.
ممتاز احمدزی نینگ کوپه‌یتیریشیچه: «ایناغم نینگ قیتگنی اوچون خرسندمن، کوپ خواطرگه ایدیک. ساغلیک وضعیتی یخشی ایمس و روانی قیینچیلیکلر تاپگن. بوندن خواطرگه میز که ینه بیر مرته اروپا تامان یول آلمسه؛ چونکه ایش‌سیز و وظیفه‌سینی هم قولدن بیرگن.»
- مهاجرلیک؛ بارز: افغانستان ده قالیب و کریکت اوینه‌ش نی ایستردیم
- افغانستان‌لیک میدیا فعالی مهاجرلیکده هم میدیا ایش‌لریدن قول تارتمه‌گن
- نامنظم مهاجرلیک؛ بیر ییل جریانیده ۵۰۰ مینگ مهاجر ایران دن مملکت گه قیتیب کیلگن
- مهاجرلیک؛ مملکت گه قیتگنیدن کیین یوتوقلرگه ایریشگن ییگیت نینگ حکایه‌سی
یخشی بیر حیات گه ایریشیش اوچون ناقانونی یوللر آرقه‌لی مهاجرلیککه یوز کیلتیرگن یالغیز شمس‌الله احمدزی ایمس؛ بلکیم باشقه کوپینچه ییگیت‌لرهم شونده‌ی بیر تقدیر بیلن دوچ کیلگن.
عین حالده، مهاجر وزیرلیگی مسئوللری نینگ ایتیش‌لریچه، قانونی حجتی بولمه‌ی باشقه مملکتلر گه سفر قیلگن کیشی‌لر اوچون تورلی برنامه‌لری بار که رسانه و اجتماعی ترماقلر آرقه‌لی نشر بوله‌دی.
بیزلرنینگ توییترده هم تعقیب قیلینگ!
مهاجر وزیرلیگی نینگ رسانه بولیمی مصلحتچیسی سیدعبدالباسط انصاری نینگ سلام‌وطندارگه ایتیشیچه، اهالی گه معلومات بیریش اوچون برنامه‌لری بار که مذکور برنامه اساسیده، ناقانونی مهاجرلیک نینگ خطرلری توغریسیده معلومات بیریله‌دی و بعضن بو برنامه‌لر ییگیت‌لرنینگ ناقانونی مهاجرلیکدن واز کیچیش‌لریگه سبب بوله‌دی.
شمس‌الله احمدزی، اونگه اوخشه‌گن ییگیت‌لر قشاقلیک و اقتصادی قیینچلیکلر باعث ناقانونی مهاجرلیک یوز کیلتیرمه‌سلیگی اوچون، دولت دن ییگیت‌لرگه ایش زمینه‌سی یره‌تیشی نی سوره‌گن؛ اونینگ کوپه‌یتیریشیچه، ناقانونی مهاجرلیک و قاچاقی سفر شخص‌لرگه بیر آز قیته حیات فرصتی بیره‌دی.
