امریکا مرکزی قوماندانلیگی (سنتکام)، ایران گه قرشی بو مملکت حربی هجوملرینینگ کیتمه-کیت توقیزینچی کیچهسی یکونلنگنینی معلوم قیلگن.
سنتکامنینگ بوگون (۲۹-سرطان/۲۰-جولای، دوشنبه)، اکس صحیفهسیده بیر بیانیه ترقهتیب و ایتیشیچه، اوشبو هجوملرده ایراننینگ حربی قوماندانلیک مرکزلری، ساحلی همده هوا مدافعه سایتلری، دینگیز امکانیتلری، راکته بیلن پهپاد آتیلهدیگن جایلر و علاقه ترماقلری نشانگه آلینگن.
مذکور نهادنینگ اورغولشیچه، بو هجوملردن مقصد ایراننینگ هرمز بوغوزیدن اوته یاتگن تجاری کیمهلری و حربی بولمهگن دینگیزچیلریگه هجوم قیلیش صلاحیتینی ینهده چیکلش بولگن.
شونینگدیک سنتکامنینگ ایتیشیچه، بو عملیات امریکا قوراللی کوچلری باش قوماندانی دونالد ترامپنینگ بویروغی بیلن عملگه آشیریلیب و مذکور قوماندانلیک کوچلری تولیق تیارگرلیک حالتیده بولیب و عملیات دوامی توغریسیده تیارلر.
امریکا و ایران آرهسیدهگی کیسکینلیکلر، سونگی هفتهلرده کوپهیب و امریکا اردوسی ایران حربی مقصدلریگه نیچه مرته هجوم قیلگن.
شونینگدیک ایران هم منطقه مملکتلریدن قطاریده امریکا پایگاهلرینی نشانگه آلگن.
