ایران حربی کوچلری، «صاعقه» عملیاتی اون تورتینچی باسقیچیده، امریکا نینگ اردن و کویتده نیچته پایگاه و حربی آست قوریلمهلرینی درانلر آرقهلی ضربه بیرگنینی معلوم قیلدی.
ایران تسنیم نشری، بوگون (۲۷ سرطان/۱۸ جولای، شنبه) ایران حربی کوچلریگه اساسلنیب ایتیشیچه، «العدیری» قرارگاهسیده امریکا اردوسینینگ قورال-یراغ انبارلری یوق قیلینگن، شونینگدیک کویتده «علیالسالم» قرارگاهسیده نیچته باغلاوچی کوپریککه ضربه بیریلگن.
ایران حربی کوچلری، اردن «الازرق» پایگاهسیده امریکانینگ یاقیلغی انبارلریگه هم ضربه بیریلگنینی قوشیمچه قیلگن.
ایران و امریکا اورتهسیدهگی ماجرانینگ ینگی باسقیچی سکیزینچی کونگه کیردی. اولراق امریکا مرکزی قوماندانلیگی قیروچی اوچاقلر، هوا درانلری، حربی کیمهلر آرقهلی ایراننینگ حربی لوژستیکی آست قوریلمهلری، نظارت قیلووچی مرکزلری، قورال-یراغ سقلاوچی ییر آستی انبارلری و دینگیز قووتلریگه ضربه بیرگنینی بیلدیرگن ایدی.
