تورکیهده ۲۰۹ کیشی تروریزم ایشلرینی عملگه آشیریش عیبلاولری بیلن حبس گه آلینگن.
تورکیه آنادولو ییتکرمهسی معلوماتیگه کوره، ۲ سرطان/۲۳ جون، سهشنبهدن چهارشنبه گه اوتر کیچهسی، تورکیه حقوق-ترتیبات ادارهلری تامانیدن اوتکزیلگن تروریزم گه قرشی عملیاتلر دوامیده ۲۰۹ کیشی حبس گه آلینگن.
بو عملیاتدن بیر کون اول، تورکیه حکومتی کیلهسی آی اوشبو مملکتده بولیب اوتهدیگن ناتو ییغیلیشی آلدیدن برچه عامهوی ییغیلیشلر گه چیکلاولر جاری ایتگن ایدی. انقره باش محکمهسینینگ معلوم قیلیشیچه، بیر نیچته قوراللی گروهلر فعالیتیگه عاید تیرگاولر دایرهسیده ۲۴۱ نفر گمانلنوچیلر قولگه آلیش بوییچه حکم بیریلگن حاضرگه قدر ۲۰۹ کیشی اوشلنگن، قالگنلرنی قیدیریش ایشلری دوام ایتماقده.
محکمه عملیاتلر، ترورچی تشکیلاتلر فعالیتینی فاش ایتیش مقصدیده اوتکزیلگنینی بیلدیرگن. بیاناتده عملیات ناتو ییغیلیشی بیلن باغلیقلیک حقیده معلومات بیریلمهگن.
محکمهلر تامانیدن گماندارلرنی حبس گه آلیش توغریسیدهگی قراریدن سونگ، پولیس کوچلری استانبول، انقره، هاتای، ازمیر، ارزینجان، تکیرداغ، آنتالیا و کوجائلی شهرلری – جمعی ۴۶ ته منزلده بیر وقتنینگ اوزیده عملیاتلر اوتکزگن. عملیات دوامیده ۲۴ گماندار قولگه آلینگن، منزللرنی تینتو قیلیش چاغیده کوپلب تشکیلی حجتلر و رقملی (دیجیتال) موادلری مصادره قیلینگن.
ایسلهتیب اوتهمیز، اولراق تورکیهده ینگی موتر آلگن تورت میلیون گه یقین کیشی تیکشیریلگن ایدی.
