یمن حوثیلری سوزلاوچیسینینگ اعلام قیلیشیچه، اوشبو گروه باسیب آلینگن یافا حدودیده «اسرائیلگه تیگیشلی مهم نشانلر» گه قرشی کینگ کولملی راکته هجوملرینی اویوشتیرگن.
یمن قوراللی کوچلری سوزلاوچیسی یحیا سریعنینگ بوگون (۱۸-جوزا/۸-جون، دوشنبه)، اکس صحیفهسیده بیر بیانیه ترقهتیب یازیشیچه، اوشبو راکته هجوملری انیق بیر شکلده آلدیندن تعیینلنگن نشانلرگه تیگگن.
اونینگ کوپهیتیریشیچه، اسرائیل گه تیگیشلی کیمهلر گه «قیزیل دینگیز»ده قتنهشیشگه رخصت بیریلمهی همده اوشبو سوو یولیدهگی اسرائیلنینگ برچه حرکتلری یمن قوراللی کوچلری اوچون قانونی نشان حسابلنهدی.
مذکور بیانیهنینگ بیر بولیمیده کیلیشیچه، اسرائیل آرقهلی توقنشوولرنینگ هر قندهی کوچهیشی، قرشی جواب و حربی عملیاتنینگ کوچهیشی بیلن روپهره بولهدی.
شونینگدیک حوثیلر سوزلاوچیسینینگ کوپهیتیریشیچه: «شمننینگ برچه سعیوحرکتلری موفقیتسیزلیککه اوچرهیدی و بیزنینگ عملیاتیمیز دوام ایتهدی.»
ایران و اسرائیل توقنشوولرنینگ ینگی باسقیچیگه کیرگنی بیرحالده، حوثیلر اسرائیل بیلن اوروشنینگ کوچهیتیریشیدن خبر بیرگن.
