قیسقه مدتلی دوام ایتگن نسبی تینچلیکدن کیین، اورته شرق ینه بیر مرته تهران و واشینگتن آرهسیدهگی هجوملر گه شاهد بولدی. امریکا قوشمه ایالتلرینینگ مرکزی قوماندانلیگی (سنتکام)، بوگون ایرتهلب (۸-اسد/۳۰-جولای، پنجشنبه)، ایران سپاه پاسداران گه تیگیشلی اونلب نشانگه قرشی هجوملری ینگی تولقینینینگ یکونلنتیرگنینی معلوم قیلگن.
بو بیلن بیرگه، ایران ییتکرمهلری قشم جزیرهسیگه هجوم اویوشتیریلگنی و ایران غربیده پارتلشلر یوز بیرگنیدن خبر بیرگن. هرمزگان محلی رسمیلرینینگ اعلام قیلیشیچه، قشم جزیرهسیگه اویوشتیریلگن هجومده اوچ کیشی اولیب و باشقه ایکی کیشی یرهلنگن.
سیاسی مسئلهلر بیلرمانی معینگل سمکنینینگ ایتیشیچه، کون اوتیشی بیلن بو اوروشنینگ کوچهیشی خوفی کوپهیهدی. «آهسته آهسته بو اوروش کوچهیب و منطقه بویلب بیر اوروشگه اوزگرهدی و زمان اوتیشی بیلن ییر اوروشی هم باشلنهدی. شونینگدیک جیوپولتیکی اوزگریشلر یا-ده نقشهلرده تغییر کیلیشی ممکن و انه شوو سبب بو اوروش باشلهنیب و یکونلنمهیدی.»
شوندهی بیرحالده، ایران سپاه پاسداران، اردن ده امریکا پایگاهلرینی نشانگه آلگنینی معلوم قیلیب و کوپهیتیریشیچه، هرمز بوغوزی امریکا تهدید بولگنی پیتگچه، قیته آچیلیشی ممکن ایمس.
شونینگدیک اردننینگ اعلام قیلیشیچه، بو مملکت هوا مدافعه دستگاهلری، ایران آرقهلی آتیلگن بیشته راکتهنی یوق قیلگن.
سیاسی ایش بیلرمانلردن جنتفهیم چکرینینگ ایتیشیچه، اسرائیل دایم اوز منفعتینی کوزلب، ترامپ سیاستیدهگی تاثیریدن فایدهلنیش بیلن تینچلیک کیلیشوویگه ایریشیشگه توسقینلیک قیلیشگه اورینهدی. «ترامپ قدرت گه بولگنیگه قدر، اوروش دوام قیلهدی و ایران بیلن امریکا کیلیشگنی صورتده، اسرائیل قیته میدان گه کیرهدی و بیلهدی که اولر هر قندهی یول بیلن اوز وکیل کوچلری جملهدن حزبالله لبنان و یمن ده حوثیلر آرقهلی اسرائیلگه هجوم قیلهدی.»
امریکا جمهور باشلیغی دونالد ترامپ، حربی عملیاتی باشلنگیدن نیچه ساعت آلدین ایراننینگ آغیر ضربه کوته یاتگنی حقیده آگاهلنتیرگن ایدی. بو تهدیددن نیچه ساعت اوتگچ امریکانینگ کینگ کولملی هجوملری عملگه آشیریلیب و اوز ارا هجوملر قیته باشلنیشی خوفی ینه کوچهیدی. بو بیلن بیرگه، بیرلشگن ملتلر تشکیلاتی باش کاتبی آنتونیو گوترش، امریکا و ایران دن توقنشوولرگه چیک قوییب و دیپلماسی یولیگه قیتیشلرینی سورهگن.
