جاپان جنوبغربیده جایلشگن کوماموتو شهریده سهشنبه کونی یوز بیرگن ۷.۱ درجه ریشترلیک زلزله قربانلری سانی ۳۴ کیشیگه ییتیشگن.
خلقارا ییتکرمهلرنینگ بوگون (۹-اسد/۳۱-جولای، جمعه)، محلی رسمیلردن نقل قیلیب گزارش بیریشیچه، مذکور زلزلهده ۳۴ کیشینینگ اولیمی تصدیقلهنیب و شونینگدیک بو واقعهده اونلب کیشی یرهلنگن.
گزارشلر اساسیده، بوگونگه قدر ۷۹ مینگدن آرتیق یشش اوی سوو منبعلری کیسیلیشی و اوچ مینگ ۵۰۰ دن آرتیق اوی ایسه برق کیسیلیشی قیینچیلیگی بیلن روپهره بولگن.
شونینگدیک ۹۰۰۰ دن آرتیق کیشی وقتینچهلیک کمپلرده حیات کیچیرماقده و رسمیلر، بو مرکزلرده ایسیقلیککه قرشی کورهش مقصد، ساووتگیچ سیستملرینی ایشگه توشیریش اوچون کوپینچه برق منبعلرینی تامین قیلگنلر.
ایتیلیشچه، یوز بیرگن اوشبو زلزله جاپان ده کارخانهلر فعالیتی توختهشیگه هم سبب بولگن. تویوتا شرکتی کوماموتا شمالیده اوچته کارخانهسیده ایشلب چیقریشنینگ ۵-اگستگچه توختهتگنی و شونینگدیک کیلهسی هفته آیچی شهریده جایلشگن کارخانهلریدن باشقه بیری فعالیتینینگ توختهتیشی ممکنلیگینی معلوم قیلگن.
