چینده یوز بیرگن زلزله عاقبتیده ایکی کیشی هلاک بولگن و باشقه بیرقطار کیشی یرهلنگن.
ییتکرمهلرنینگ معلوماتیگه کوره، زلزله بوگون (۲۸ ثور/۱۸ می، دوشنبه) ایرتهلب چیننینگ گوانگشی حدودی لیوژو شهریده یوز بیرگن.
معلوماتلر اساسیده، ۵.۲ درجه ریشترلی یوز بیرگن اوشبو زلزله نتیجهسیده ایکی کیشی هلاک بولیب و باشقه بیرقطار کیشی یرهلنگن، شونینگدیک ۱۳ته بنا قولب توشگن.
تیمیر یول آست قوریلمهلری هم تیکیشرودن اوتکزیلماقده و ترانسپورت حرکتیده وقتینچهلیک اوزیلیشلر کوزهتیلگن. معلوماتلر گه کوره، زلزله حدودیده علاقه ترماقلری، برق اوزهتیش لینلری، سوو و گاز تأمیناتی همده ترانسپورت تیزیمی حاضرچه یخشی ایشلهماقدهلیگی معلوم قیلینگن.
قوتقرو خذمتلری ویرانهلر آستیده قالگن آدملرنی قیدیریش و حدودنی تیکلش ایشلرینی دوام ایتتیرهیاتگنی ایتیلگن.
