ونزویلا رسمیلرینینگ اعلام قیلیشیچه، اوشبو مملکتده یوز بیرگن زلزلهلر قربانلری سانی بیر مینگ ۴۳۰ کیشیگه ییتیشیب و ۵۱ مینگدن آرتیق کیشی هم حاضرگچه لادرک دیر.
الجزیره خبری ترماغینینگ بوگون (۷-سرطان/ ۲۸-جون، یکشنبه)، گزارش بیریشیچه، دولتی قوتقروو و یاردم بیرووچی کوچلر آزلیگی سبب، جبرلنگن منطقهلر یشاوچیلریدن کوپینچهسی تیریک قالگنلرنی قیدیریش اوچون قوللری بیلن ویرانهلر آرهسیده اختریش و قیدیریشگه مجبور بولگنلر.
قوتقریش و یاردم بیریش عملیاتی دوامی بیلن بیرگه، یاردم بیرووچی تشکیلاتلر تیریک قالگن کیشیلرنی قوتقریش اوچون ۷۲ ساعتلیک آلتین وقتنینگ تیزلیک بیلن توگهب باره یاتگنی حقیده آگاهلنتیرگن.
شونینگدیک ونزویلا رسمیلرینینگ ایتیشلریچه، قوتقریش و اختریش عملیاتیگه شرکت قیلیش اوچون تورلی مملکتلردن بیر مینگ ۶۰۰ یاردم بیرووچی و قوتقرووچی بو مملکت گه بارگن.
شوندهی بیرحالده، قربانلر سانینینگ کوپهیشی پیشبینلیک بولماقده، چونکه حاضرگچه اونلب مینگ کیشی لادرک بولگنلر رویخطیده قرار تاپگن.
چهارشنبه کونی ۷.۲ و ۷.۵ درجه ریشترلیک کوچلی ایکی زلزله، «لاگوایرا» اطرافیدهگی ساحلی منطقهلرنی جدی شکلده ویران قیلیب و کینگ کولملی زیانلرگه سبب بولدی.
بیرلشگن ملتلر تشکیلاتینینگ ترقیاتی دستوری معلوماتیگه کوره، اوشبو زلزلهلرنینگ مستقیم زیانی ۴.۷ دن ۸.۷ میلیارد دالر بولیشی ممکن.
