ونزویلا رسمیلرینینگ اعلام قیلیشلریچه، اوشبو مملکتده یوز بیرگن ایکیته اولیملی زلزله قربانلری سانی ۹۲۰ کیشیگه ییتیشیب و شونینگدیک باشقه یوزلب کیشی ویرانهلر آستیگه قالگن.
رویترز آژانسینینگ بوگون (۶-سرطان/۲۷-جون، شنبه)، ونزویلا رسمیلریدن نقل قیلیب گزارش بیریشیچه، اوشبو زلزلهلر عاقبتیده، اوچمینگ ۳۶۰ کیشی یرهلهنیب، ۱۷۲ کیشی ویرانهلر آستیگه قالگن و ۵۰ مینگدن آرتیق کیشی لادرک بولگنلر رویخطیگه قرار تاپگن.
امریکا زلزلهنی انیقلش تشکیلاتینینگ معلوماتی اساسیده، یوز بیرگن مذکور زلزلهلر قربانلری سانی ۱۰ مینگدن آشیشی ممکن.
بو بیلن بیرگه، بیرلشگن ملتلر تشکیلاتی، قریب ییتی میلیون کیشینینگ اوشبو زلزلهلر عاقبتیدن زیان کوریشی احتمالی توغریسیده آگاهلنتیرگن.
شونینگدیک بو تشکیلات، ونزویلا ده یوز بیرگن ۷.۲ و ۷.۵ درجه ریشترلیک زلزلهلر طفیلی ییتیشگن توغری زیانلرنی قریب ۶.۷ میلیارد دالر دیگن.
