آذربایجان تشقی ایشلر وزیری جیحون بایرام اوف، تورکیه نینگ زلزله یوز بیرگن منطقه‌لریده ۱۰۰ میلیون دالرلیک یشش اوی، عمومی انشاآت و تعلیمی مرکزلر قوریشیدن خبر بیرگن.
آذربایجان تشقی ایشلر وزیرلیگی نینگ بیانیه‌سی اساسیده، جناب بایرام اوف بلژیک ده تورکیه ده زلزله طفیلی زیان کورگنلر گه یاردم کورسه‌تیش خلق‌ارا کنفرانسی ده ایتیشیچه، تورکیه گه یاردم بیرووچیلر و شفاکارلر شامل ۹۴۰ کیشی یوباریلگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، تورکیه گه ۵۳۰۰ کیشی گه انسان پرورلیک یاردم یوللنگن و باغلیق اداره‌لر نینگ اکونت‌لری گه، ۴۵ میلیون دالر یوباریلگن.
جیحون بایرام اوف، آذربایجان بوندن کیین برادر تورکیه یانی گه توریب و زلزله طفیلی ویرانه‌لرنی قیته قوریش اوچون مالی و تخنیکی حمایت‌لری گه دوام بیریشینی بیلدیرگن.
او نینگ ایتیشیچه: «آذربایجان تورکیه ده ۱۰۰ میلیون دالرلیک یشش اوی، عمومی انشاآت و تعلیمی مرکزلرنی قوریشی ممکن.»
بیزلرنینگ توییترده هم تعقیب قیلینگ!
ایتیش کیره‌ک که، اوشبو ییل ۱۷ دلو ده، تورکیه و سوریه ده یوز بیرگن ۸.۴ درجه ریشترلیک زلزله، جانی تلفات گه علاوه، مذکور ایکی مملکت گه آغیر مالی زیان ییتکیزگن. شونینگدیک، تورکیه جمهور باشلیغی نینگ اورین باسری فواد اوکتای، سه‌شنبه کیچه، ۲۷ حوت، انقره ده مطبوعاتی بیر ییغیلیش ده، مذکور زلزله‌لر عاقبتیده یالغیز تورکیه ده ۴۹ مینگ ۵۸۹ کیشی قربان بولگنینی معلوم قیلدی.
