« اندیپندنت فارسی» وب‌سایتی بیر منبع‌دن نقل قیلیب ایتیشیچه، پاکستان نینگ حربی استخبارات (آی‌اس‌آی) باشلیغی ندیم‌احمد انجم، جمعه کونی ترکیه پایتختی انقره شهری‌ده افغانستان سیاسی حزب‌لر رهبرلریدن قطاری جمله‌دن مارشال عبدالرشید دوستم، عطامحمد نور و محمد محقق بیلن اوچره‌شگن.
اوشبو گزارش اساسیده، بو اوچره شووده پاکستان تامانی افغانستان خوفسیزلیک وضعیتی باره‌سیده خواطر بیلدیرگن. عین‌حالده، بیرقطار سیاسی ایش بیلرمان‌لر نینگ ایتیشلریچه، بو اوچره شوو حقیقت بولگنده، پاکستان حربی استخبارات تشکیلات باشلیغی، سیاسی حزب‌لر رهبرلریدن اسلامی امارت گه قرشی مقاومت حقیده بحث ایتگن‌لیگی ممکن.
سیاسی ایش بیلرمان و ملی کینگش سابق عضوی میربت‌خان منگل گه کوره، او نینگ معلوماتی اساسیده، بوندن آلدین پاکستان رسمی‌لری، یوقاری‌ده آت‌لری توتیلگن شخص‌لردن، ایریم مسئله‌لر خصوصیده بحث ایتیش اوچون اولردن ملاقات تکلیفینی قیلگن ایدی.
بیزلرنینگ فیسبوک صحیفه‌میزگه باش اورینگ!
منگل جناب‌لری گه کوره، اوشبو اوچره شوو بولگنی احتمالی بار، بیراق پاکستان ده‌گی گروه‌لر بو مملکت اولردن حمایت قیلر ایدی و مذکور گروه حاضر اوز مقصدی‌گه ییتگن، پاکستان اولردن حمایت قیلمه‌یدی و افغانستان‌نی تینچ‌سیز قیلیش اوچون باشقه یول ایسترماقده.
میربت‌خان منگل نینگ اورغولشیچه: «اولر اسلامی امارت گه قرشی کوره‌ش اوچون باشقه یول‌نی اخترماقده‌لر.» جناب منگل نینگ ایتیشیچه، منطقه مملکت‌لری نینگ استخباراتی اوز هدف-مقصد لری گه قول تاپیش اوچون افغانستان نینگ چیت ایل‌ده‌گی سیاستچیلری بیلن اوچره‌شیش مقصدیده سعی-حرکت قیلماقده‌لر.
حق و عدالت حزب باشلیغی و سیاسی ایش بیلرمان معین‌خان سمکنی نینگ ایتیشیچه، اوشبو سیاسی حزب‌لر رهبرلری آی‌اس‌آی باشلیغی بیلن اوچره‌شگن بولسه، پاکستان بو ایشی بیلن اسلامی مارت گه نفوذی بولیشی و افغانستان نینگ ثبات و خوفسیزلیگی اوچون فعالیت آلیب باره‌یاتگنینی دنیا گه کورسه‌تیش‌نی ایسته‌یدی.
او نینگ ایتیشیچه، پاکستان بو ایشی بیلن اوشبو مملکتده‌گی قانلی هجوم دن کیین گرچند اسلامی امارت بو موضوع‌نی رد قیلدی، بیراق پاکستان رسمی‌لری بو هجوم افغانستان رهبریتی بیلن هند تامانیدن اویوشتیریلگنینی ایتگن‌لر. اونگه کوره، پاکستان سیاسی حزب‌لر رهبرلری بیرگه سیده اوچره‌شیشی بیلن، اسلام آباد اسلامی امارت نی خطر گه روپه‌رو قیلیشی باره سیده اسلامی امارت گه هشدار بیریشنی ایسته‌یدی.
بیزلرنینگ توییترده هم تعقیب قیلینگ!
سمکنی نینگ کوپیتیریشیچه: «اگر بو سفر بولگن بولسه، سیزلر بیزنی ایچکی ایشلریمیز گه اره‌لشه سیزلر، بیز هم اوتمیش‌لر کبی حکومت و امنیت لرینگیزنی بوزیش اوچون و سیزلر بیلن مبارزه قیلیش اوچون مخالف لرینگیزنی فعال قیله آلیش توانی بارلیگی، هدف لریدن بیری بولیشی ممکن.»
بوندن آلدین، پاکستان و اسلامی امارت آره سیده ایشانچ سیزلیک باره سیده گزارش‌لر ترقه‌لگن ایدی. بعضی گزارش‌لر اساسیده، اسلامی امارت دیورند چیزیغیده تیکانلی سیم قوردیریلیشی گه مانع بولگندن کیین، ایکی تامان آره سیده توقنشوو یوز بیردی.
