تورکیه شمالی ده جایلشگن تاش کومیر کانیده پارتلش یوز بیریشی عاقبتیده، چمه‌سی ۱۴ کیشی هلاک بولیب و باشقه اونلب کیشی ویرانه‌لر آستیده قالگن.
رویترز آژانسی نینگ معلوماتی اساسیده، اوشبو واقعه اوتگن کون (جمعه، ۲۲ میزان) تورکیه شمالی بارتین ولایتیده جایلشگن تاش کومیر کانیده یوز بیرگن.
مذکور حادثه طفیلی حاضرگچه ۲۸ کیشی یره‌لنگنیدن خبر بیریلگن.
بیزلرنینگ فیسبوک صحیفه‌میزگه باش اورینگ!
تورکیه رسمی‌لری بوتوغریده حاضرگچه هیچ نرسه دیمسه‌لرده، بیراق میدیالر نینگ گزارشی اساسیده، کمیده ۴۹ کیشی ۳۰۰ و ۳۵۰ متر چقورلیکده بند قالگنلر.
تورکیه رسمی‌لری نینگ ایتیشلریچه، قوتقرو عملیات دوام ایتماقده و حاضرگچه قطار کیشی‌لرنی قوتقریش گه قادر بولمه‌گنلر.
بیزلرنینگ توییترده هم تعقیب قیلینگ!
تورکیه برق وزیری فاتح دونمز گه کوره، دستلبکی معلومات‌لر گه بناً، تاش کومیرکانیده «میتان گازی» پارتلشی باعث حادثه یوز بیرگن.
مذکور تاش کومیر کانیده ۱۱۰ کیشی ایش بیلن مصروف دیر، کان ایشلاوچلردن کوپی بند قالیشی باعث، تلفات میزانی کوپه‌یش احتمالی موجود دیر.
