پکتیا محلی مسئوللری نینگ ایتیش‌لریچه، اوشبو ولایت نینگ سمکنی تومنی اطرافیده یشش بیر اوی‌ده یوز بیرگن پارتلش سبب، ایکی کیشی اولیب و باشقه اوچ کیشی ایسه یره‌لنگن.
پکتیا معلومات و مدنیت ریاست رئیسی ثواب‌جان اسلام‌یار نینگ سلام‌وطندار گه ایتیشیچه، مذکور پارتلش بوگون ایرتنگ چاغی (یکشنبه، ۱۴ حوت)، سمکنی تومنی نینگ «سلیمان‌خیل» منطقه‌سیده یوز بیرگن.
بیزلرنینگ فیسبوک صحیفه‌میزگه باش اورینگ!
اونگه کوره، اوشبو پارتلش‌ده بیر قیز و بیر عیال اولیب و مذکور عایله نینگ باشقه اوچ عضوی ایسه یره‌لنگن.
اونینگ کوپه‌یتیریشیچه: «اوشبو پارتلش اوت یاقیش‌دن کیین، بوتون عایله چای ایچیش اوچون بیر اتاق گه توپلنگنی پیتده، یوز بیرگن.»
بیزلرنینگ توییترده هم تعقیب قیلینگ!
گرچند حاضرگچه اوشبو پارتلش سببی بیللی بولمه‌گن؛ بیراق پکتیا معلومات و مدنیت ریاست رئیسی نینگ ایتیشیچه، مذکور واقعه خصوصیده تدقیقات باشلنگن دیر.
اوشبو واقعه شونده‌ی بیرحالده یوز بیرگن که، شونینگدیک بوندن آلدین هم پکتیا و مملکت نینگ قطار ولایت‌لریده اوروش‌دن قالگن پارتلمه‌گن ماده‌لر نینگ پارتلشی، یشاوچیلردن قطاری نینگ اولیب و یره‌لنگنی گه سبب بولگن.
