پکتیا ولایتی یشیل‌لیک قطعه‌سی مسئوللری نینگ ایتیشلریچه، اوتگن ایکی ییل‌ده، اوشبو ولایت‌ده اورمان‌لر نینگ کیسیلیشی ۹۵ فایز کمه‌یگن.
اولر نینگ کوپه‌یتیریشلریچه، یشاوچیلردن کوپینچه‌سی گه اورمان‌لر نینگ سقلنیشی خصوصیده آگاهی‌‌لیک بیریلگن و اورمان‌لر نینگ کیسیش گه دوام بیرگن کیشی‌لر ایسه، قولگه آلینگن.
بیزلرنینگ «ایکس» ترماغی ده هم تعقیب قیلینگ!
پکتیا ده یشیل‌لیک قطعه‌سی قوماندانی جاوید‌آقا نینگ ایتیشیچه، حاضرگچه ۵۲ کیشی اورمان‌لر نینگ کیسیش طفیلی قولگه آلینیب و کینگ بیر شکلده اورمان‌لر نینگ کیسگن ۱۰ کیشی ایسه، محکمه گه تانیشتیریلگن.
مذکور ولایت یشیل‌لیک قطعه‌سی قوماندانی نینگ کوپه‌یتیریشیچه: «آلتی یا-ده ییتی برقی ماشین‌لر نی آلیب کیتگن‌میز. حاضرگچه ۵۲ کیشی اورمان‌لر نی کیسیش طفیلی قولگه آلینگن که اولردن ۱۰ ته‌سی محکمه گه تانیشتیریلگن، چونکه حد‌دن تشقری اورمان‌لر نی کیسگنلر. ۴۲ کیشی ایسه قوم بویوک‌لر نینگ ضمانتی بیلن قوییب یوباریلگن. شونینگدیک حاضرگچه اورمان‌لر نینگ کیسیلیشی ۹۵ فایز کمه‌یگن.»
پکتیا نینگ اورمان‌لی منطقه یشاوچیلریدن قطاری، اورمان‌لر نینگ کیسیلیشی آلدی آلینگنی‌دن خورسند‌لیک قیلگنلری بیلن، بیراق سرپرست حکومت آرقه‌لی بدیل بیر ایش نی ایسته‌گنلر.
اوشبو ولایت نینگ بیر قطار تومن یشاوچیلری گه کوره، مذکور تومن‌لر یشاوچیلری اورمان‌لردن یاغاچ کیلتیریش بیلن، حیات‌لری خصوصیده‌گی نیازلری نی تامین قیله‌ر ایکنلر، بیراق اورمان‌لر کیسیلیشی نینگ تقیق‌لنگنی‌دن کیین، اقتصادی قیین‌چیلیک‌لر بیلن روپه‌ره بولگنلر.
پکتیا ولایتی شواک تومنی یشاوچیسی رحیم نینگ ایتیشیچه: «اهالی برچه احتیاج‌لری نی اوشبو اورمان‌لر یاغاچ‌لری بیلن تامین قیله‌ر ایدیلر، بیراق حاضر ایسه اسلام امیرلیگی اورمان‌لر نینگ کیسیلشی نی تقیق‌لگن. انه شوو سبب بیزلرگه بدیل بیر نرسه، زمین یا-ده بیران ایش بیریلیشی نی ایسته‌یمیز که بو رقم اهالی مصروف بولیب و عایله نیازلری نی تامین قیلسین.»
بیزلرنینگ فیسبوک صحیفه‌میزگه باش اورینگ!
شونینگدیک مذکور ولایت وزی زدران تومنی یشاوچیسی ولی‌رحمان نینگ ایتیشیچه: «منطقه‌میزده کوپینچه کیشی نینگ ایشی تاغ‌لر اوستیده دیر و او رقم بیر کیشی یوق که بازارده دکانی بولسه یا هم باشقه بیران ایشی بولسه. مذکور اهالی بیر مقدار یاغاچ نی بار قیلیب و بازار گه ساتیش بیلن بو یول‌دن عایله نفقه‌سی نی تامین قیله‌دی.»
پکتیا ایکینچیلیک ریاستی مسئوللری نینگ معلوماتی اساسیده، مذکور ولایت نینگ ۹۹ مینگ هکتار ییری اورمان‌لی بولیب و اونینگ بیر قطار بولیم‌لری ایسه، اوتگن نیچه دهه‌ده‌گ اوروش‌لر طفیلی اهالی آرقه‌لی نابود بولگن دیر.
