پکتیا مرکزی گردیز شهری حدودلری گه قره‌شلی «عسکری فامیلی»، «پوهنتون مینه» و باشقه بیر قطار منطقه‌لر اهالیسی نینگ ایتیشلریچه، سوو پس توشیشی باعث قودوق‌لر و کاریزلر قوریب و یشاوچیلر ایچیملیک سوو تنقیص‌لیگی روپه‌ره بولگنلر.
گردیز شهری حدودلری گه قره‌شلی «فامیلی عسکری» منطقه‌سیده حاضر ۵۰۰ دن آرتیق عایله تیریکچیلیک قیلیب کیلماقده، اولر استعمال قیله‌دیگن سوو کاریزی قوریب قالگن.
اوشبو منطقه یشاوچیلریدن جلال‌الدین و محب‌الله نینگ ایتیشلریچه، بیرقطار عایله‌لر نینگ ایچیملیک سوولرینی تأمینلش اوچون قازیگن قودوق‌لری قوریب قالگن.
بیزلرنینگ فیسبوک صحیفه‌میزگه باش اورینگ!
اولر گه کوره، قیشلاق‌لرنی رواجلنتیریش و قیته قوریش ریاستی مذکور ۵۰۰ عایله گه یریم اینچ‌لیک نل تارتگن، اولر اوچون ییترلی ایمس و اولر نل دن سوو آلیش اوچون ساعت‌لرچه کوته‌دیلر.
پکتیا یشاوچیلریدن جلال‌الدین نینگ کوپه‌یتیریشیچه: «کوپ سانده عایله‌لر کاریز سووی قوریشی باعث سوو تنقیص‌لیگی بیلن روپه‌ره بولگنلر. حاضر یریم اینچ‌لیک نل تارتیلگن، بیراق ۵۰۰ عایله اوچون ییترلی ایمس دیر. باله‌لر سوو آلیش اوچون کیچه ساعت ۸:۰۰ یا که ۱۰:۰۰ گچه کوته‌دیلر. ۵۰ یا که ۶۰ متر چقورلیگی بولگن عایله‌لر نینگ قودوق‌لری قوریب قالگن.»
پکتیا یشاوچیلریدن باشقه بیری محب‌الله گه کوره: «بو سوو قوریماقده دیر، استعمال قیلیب بولمه‌یدی. قیشلاق اهالیسی ایچیملیک سوو تنقیص‌لیگی بیلن روپه‌ره‌دیر، ۹۵ فایز اهالی اوشبو کاریز سووی دن استعمال قیله‌دی، بیراق بو سوو هم کمه‌یماقده دیر.»
مذکور منطقه یشاوچیلریدن باشقه بیری عادل نینگ ایتیشیچه، فرزندلری سوو تنقیص‌لیگی طفیلی تیری کسل‌لیگیگه چلینگنلر.
او نینگ کوپه‌یتیریشیچه: «عسکری فامیلی منطقه اهالیسی سوو تنقیص‌لیگی باعث جدی قیینچیلیک بیلن روپه‌ره بولیشگن. کاریزلر سووی هم صحی ایمس ایریم کسل‌لیک‌لر گه سبب بوله‌دی.»
بیزلرنینگ توییترده هم تعقیب قیلینگ!
پکتیا مرکزی گردیز شهری سوو ییتکیزیش مسئولی وحیدالله سباوون، یشاوچیلر قیینچیلیگینی قبول قیلیب و مؤسسه‌لردن اوشبو قیینچیلیک حلی اوچون اولر گه یاردم بیریش‌لرینی سوره‌یدی.
اونگه کوره، حاضرگی کونده گردیز شهری نینگ ایریم منطقه‌لریده ییر آستی سوولری ۵ متر پس توشگن، شونی اوچون قودوق‌لر و کاریزلر سووی قوریب قالگن.
اونگه کوره: «گردیز شهری گه قره‌شلی عسکری فامیلی، پوهنتون مینه و باشقه منطقه‌لر اهالیسی ایچیملیک سوو تنقیص‌لیگی حل ایتیلیشینی ایسته‌یدیلر. بیراق بیزنی ییترلیچه بودجه‌میز یوق. بیز رویخط نی تیارلب و مرکز گه یوللـه‌دیک، مسئوللر و خلق‌ارا نهادلر یشاوچیلر قیینچیلیگینی حل قیلیشی کیره‌ک.»
سوو ایش بیلرمان‌لری نینگ ایشانچی گه کوره، ییر آستی سوولری کمه‌یشی مملکت نینگ بویوک قیینچیلیک‌لریدن سنله‌دی، اسلام امیرلیگی و باشقه مؤسسه‌لر سوو قیینچیلیگی حلی اوچون اقدام قیلمه‌گن حالده، یشاوچیلر جدی قیینچیلیک بیلن روپه‌ره بولیش‌لری ممکن.
