اسلام امیرلیگی تشقی ایشلر وزیرلیگی سوزلاوچیسی نینگ اورین باسری ضیااحمد تکل بوگون (دوشنبه، ۱۷ میزان)، اوشبو وزیرلیک سرپرستی ایران تشقی ایشلر وزیری بیلن تیلیفونی ملاقات قیلگنیدن خبر بیرگن.
مملکت تشقی ایشلر وزیرلیگی سرپرستی امیرخان متقی بیلن تیلیفونی ملاقات قیلگن ایران تشقی ایشلر وزیری امیر عبداللهیان، افغانستان اینیقسه هرات ده زلزله باعث قربان بولگنلر اوچون اوز قیغوداشلیگینی بیلدیریش گه قوشیمچه، مملکتی زلزله طفیلی زیان کورگن عایله‌لر گه یاردم بیریش وعده‌سینی بیرگن.
بیزلرنینگ فیسبوک صحیفه‌میزگه باش اورینگ!
ایران تشقی ایشلر وزیری گه کوره، اوتگن کونی اوشبو مملکت نینگ قوتقروو تیمی و یاردم‌لری افغانستان گه ییتیب بارگن. لیکن او مذکور یاردم‌لر نینگ مقداری و نیمه‌لیگی حقیده ایضاح کیریتمه‌گن.
شونینگدیک، جاپان و چین، هرات ده زلزله طفیلی زیان کورگنلر گه یاردم بیریش‌لرینی معلوم قیلگنلر.
پایتخت کابل ده جاپان ایلچیخانه‌سی، اوتگن کونی اوز ایکس ترماغی ده، مذکور مملکت تشقی ایشلر وزیری یوکو کامیکاوا دن نقل قیلیب، جاپان افغانستان خلقی یانیده بولیشینی یازگن.
بیزلرنینگ «ایکس» ترماغی ده هم تعقیب قیلینگ!
افغانستان اسلام امیرلیگی، هرات ده کیتمه_کیت نیچه زلزله یوز بیریشیدن کیین، یاردم بیرووچی تشکیلات‌لر و مملکت‌لردن اوشبو زلزله باعث زیان کورگنلر گه یاردم بیریش‌لرینی طلب قیلگن.
افغانستان غربی قسمی هرات ده، اوشبو هفته شنبه کونی کیتمه_کیت نیچه زلزله یوز بیردی. طبیعی آفت‌لرنی باشقریش ایشلری بوییچه دولت وزیرلیگی نینگ معلوماتی اساسیده، مذکور زلزله‌لر طفیلی حاضرگچه ایکی مینگ ۵۳ کیشی اولیب و یره‌لنگن. بونگه علاوه بیر مینگ ۲۹ یشش اوی بوتونلی بوزیلگن.
