ونزویلا پایتختینینگ غربی حدودلریده ۷.۲ و ۷.۵ درجه ریشترلیک ایکی زلزله یوز بیریب و اوشبو واقعه نتیجهسیده، مذکور مملکت پایتختی کاراکاس ده جایلشگن بیر قطار یشش بنا قولب توشگن.
رویترز آژانسینینگ بوگون (۴-سرطان، ۲۵-جون/ چهارشنبه)، ونزویلا رسمیلریدن نقل قیلیب گزارش بیریشیچه، بو مملکتده فوقالعاده وضعیت اعلام بولیب و کینگ کولملی یاردم بیرووچی عملیات باشلنگن.
امریکا زلزلهنی انیقلش تشکیلاتی، اوشبو زلزلهلرنینگ آغیر تلفات و کوپینچه زیانلرگه سبب بولگنی ممکنلیگی حقیده آگاهلنتیرگن.
مذکور تشکیلاتنینگ دستلبکی معلوماتی اساسیده، قربانلر سانی کوپ احتمال بیلن ۱۰ مینگدن ۱۰۰ مینگ آرهسیده بولیشی ممکن.
اوشبو واقعه عاقبتیده، ونزویلانینگ اصلی هوا قونالغهسی وقتینچهلیک شکلده یاپیلیب و تعلیمی مرکزلر فعالیتی هم هفته آخریگچه توختهگن.
ایتیش کیرهک که، اوشبو مملکت اوتمیشده هم اولیملی زلزلهلرنی تجربه قیلیب و اولردن ۳۰ مینگ کیشی قربان بولگن ۱۸۱۲-ییلده یوز بیرگن زلزلهگه اشاره قیلیش ممکن.
