هرات ده یوز بیرگن دهشتلی زلزلهلردن اوچ آیدن کوپراق اوتگنی بیرحالده، بیراق اوشبو ولایت نینگ زنده‌جان تومنی‌ده زلزله‌دن زیان کورگنلردن قطاری، ییگولیک ماده، باش‌پنه و ساغلیک امکانیت‌لری کم‌لیگی و یوقلیگی‌دن شکایت قیلیب و ایتیشلریچه، هوا نینگ ساووق‌لیگی و امکانیت یوقلیگی، حیات کیچیریش نی اولر اوچون قیین‌لشتیرگن.
هرات ولایتی زنده‌جان تومنی نینگ میزمیزک قیشلاغی‌ده‌گی زلزله‌دن زیان کورگنلردن قطاری گه کوره، حاضر ایسه هوا نینگ ساووق‌لیگی و یامغیر یاغیشی بیلن، بیراق یشاوچیلردن قطاری چادرلر آستیده حیات کیچیریش گه مجبور دیر.
بیزلرنینگ «ایکس» ترماغی ده هم تعقیب قیلینگ!
مذکور قیشلاق یشاوچیلریدن عبدالغفار مرادی، ساووق هواده چادر آستیده حیات کیچریش طفیلی باله‌لر و کیکسه‌لر نینگ کسل‌لیککه چلینگنی نی بیان قیلیب و سلام‌وطندار گه ایتیشیچه: «اویی‌میز نینگ دیوارلری یاریلگن و مذکور اویلر یشش اوچون بولمه‌یدی. چادر‌ده حیات کیچیره‌میز. بعضا بیر ایکی کیسه اون بیره‌دیلر. اوی توزه‌تینگلر دیب یاردم بیرمه‌گنلر. قریب بیر آی بوله‌دی که کسل‌لیک‌دن ساغه‌لدیم. کسل‌لر نینگ درمان قیلیش اوچون شفاکار هم کیلگنی یوق. باله‌لر و کیکسه‌لردن برچه‌سی کسل بولگن. عیال شفاکار یوق، دارو یوق و بیر تور دارو ایچکی‌دن تیله‌تسه‌لر، نیچه توری نی تشقی‌دن بویوره‌دیلر.»
شونده‌ی بیرحالده، هرات نینگ زنده‌جان تومنی‌ده‌گی مدنی فعال‌لردن بیری زلمی صابر نینگ ایتیشیچه، زلزله یوز بیرگن منطقه‌لرده‌گی یشاوچیلر گه حاضرگچه باش‌پنه یره‌تیلمه‌گن و شونینگدیک حتی باش‌پنه قوریلیش ایشینی هم قولگه آلمه‌گنلر که شونده‌ی بیرحالده، اهالی ساووق هواده چادرلر آستیده حیات کیچیرماقده دیر. اونینگ کوپه‌یتیریشیچه: «اولردن کوپینچه‌سی چادرلر آستیده حیات کیچیرماقده، کوپینچه کیشی گه اوی قوریلمه‌گن. حاضر هوا ساووق، یامغیرهم یاغه‌دی. اولر دارو یاردم‌لریدن هم محروم‌لر، حتی آز امکانیت‌‌دن هم فایده‌لنه آلمه‌یدیلر.»
هرات ده زلزله‌لر یوز بیرگنی‌دن حاضرگچه، ۲۰.۴۷ میلیون ۴۷ مینگ دالر یاردم مملکت گه ییتیشگنی بیرحالده، مذکور ولایت‌ده‌گی زلزلهلردن زیان کورگنلر امکانیت کم‌لیگی و یوقلیگی‌دن شکایت قیله‌دیلر.
شونده‌ی بیرحالده، امریکا، چین، جاپان و اروپا بیرلشمه‌سی هرات ده زلزله‌دن زیان کورگنلر گه کوپینچه نقدی یاردم بیرگن که، اولر ارا یالغیز اروپا بیرلشمه‌سی زلزله‌دن زیان کورگنلر گه ۳.۵ میلیون دالر یاردم و شونینگدیک روسیه، سعودی عربستان و بیر قطار قوشنی مملکت‌لر هم، اونلب تُن ییگولیک ماده و دارو یاردم بیرگن.
بیزلرنینگ فیسبوک صحیفه‌میزگه باش اورینگ!
عین حالده، بیرلشگن ملت‌لر تشکیلاتی نینگ رواجلنیش برنامه‌سی (UNDP)، اوتگن کون اوشبو تشکیلات نینگ «ایکس» صحیفه‌سیده بیر بیانیه ترقه‌تیب، هرات ده زلزله‌دن زیان کورگنلر اوچون ۲۵ میلیون دالر عاجل یاردم ایسته‌گن.
ایتیش کیره‌ک که، هرات ده اکتبر آیی نینگ ییتینچی و اون‌بیرینچی تاریخی‌ده یوز بیرگن زلزله‌لرده، بیر مینگ ۵۰۰ کیشی اولیب و قریب ایکی مینگ کیشی یره‌لنگن.
