بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا) گه کوره، بودجه کملیگی بالهلر و آنهلر اوچون آوقتلنیش دستورلری کورسهتیلیشینی تهدید بیلن روپهره قیلگن.
اوشبو نهادنینگ بوگون (۴-اسد، یکشنبه)، اکس صحیفهسیده یازیشیچه، جاری میلادی ییلده بیش میلیون ۷۰۰ مینگ باله و عیال افغانستان ده آوقتلنیش یاردملریگه محتاج.
اوچانینگ ایتیشیچه، تیزلیککه مالی منبعلرنینگ تامینلمهگنی صورتده، میلیونلب کیشینینگ قوتقروو مراقبتلریگه قول تاپه آلمسلیگی ممکن. بوندن آلدین بیرلشگن ملتلر تشکیلاتیگه تیگیشلی بو نهاد، افغانستان ده جاری میلادی ییلده کمبغل کیشیلر نیازلری حلی اوچون ایستهلگن بیر میلیارد ۷۱۰ میلیون دالردن، یالغیز ۲۶۹ میلیون دالرنینگ تامینلنگنینی معلوم قیلگن ایدی.
اسلام امیرلیگی، بوندن آلدین دنیا دن انسانسیورلیک یاردملرگه افغانستاننینگ قرهملیگی کمهیشی اوچون آستقرومه لایحهلر توغریسیده سرمایه یاتقیزیلیشینی سورهگن.
