فاریاب ده مردمی یاردملر نینگ توپلش کمیته مسئوللری نینگ ایتیشلریچه، اوشبو ولایتده زلزلهدن زیان کورگنلر گه یاردم توپلش اوچون یولگه قوییلگن بیر هفتهلیک کمپاینده، قریب ۹ میلیون افغانی نقد پول توپلنگن.
اولر گه کوره، مذکور یاردملر اوتگن کون (جمعه، ۲۸-میزان)، فاریاب ده خبرچیلر و مدنی فعاللردن قطاری تامانیدن، هرات ده زلزله عاقبتیده زیان کورگنلر گه یاردم ترقهتیش کمیتهسی گه تسلیم بیریلگن.
بیزلرنینگ «ایکس» ترماغی ده هم تعقیب قیلینگ!
فاریاب ولایت مقامی نمایندهسی و هرات ده زلزله عاقبتیده زیان کورگنلر گه یاردم توپلش کمیته نینگ مالی مسئولی حیاتالله مهاجر گه کوره، یاردم توپلش کمپاینی، ۱۶-میزان فاریاب مرکزی میمنه شهری نینگ تورلی بولیملری و اوشبو ولایت تومنلریده، محلی خبرچیلر آرقهلی خیمه اوریلیش بیلن باشلنیب و ۲۶-میزان گه قدر دوام قیلگن.
مهاجر نینگ کوپهیتیریشیچه: «بیر هفته جریانیده، اصناف، گذر وکیللر، مسجدلر خطیبلری و حج و اوقاف نینگ سهی بیلن، قریب ۹ میلیون نقد پول توپلنیب و بوندن آلدین عاجل وضعیتلر اوچون ییغیلگن ۴۷ مینگ دالر بیلن ۷ یوز مینگ افغانی هم فاریاب ده صرافلر بیرلشمهسی و سوداگرلر آرقهلی توپلنگن.»
باشقه بیر تاماندن، فاریاب ده ژورنالیستلر ملی بیرلشمهسی رئیسی و مردمی یاردملر توپلنهدیگن کمیته عضوی قطبالدین کوهی نینگ ایتیشیچه، ولایت مقامی هماهنگلیگیده خبرچیلر و فعال ییگیتلردن قطاری نینگ قراریدن کیین، ولایت مقامی، عالملر کینگشی، معلومات و مدنیت، استخبارات، امنیه قوماندانلیگی، حادثهلر ریاستی، میمنه بلدیهسی، حج و اوقاف، کیکسهلر و گذر وکیللری نمایندهلریدن تشکیل ایتیلگن بیر کمیتهده ایجاد بولیب و اهالی گه یاردم توپلهگنلر.
بیزلرنینگ فیسبوک صحیفهمیزگه باش اورینگ!
شوندهی بیرحالده، میمنه شهری نینگ اصناف عمومی مدیری و هرات ده زلزلهده زیان کورگنلر گه یاردم توپلش کمیته عضوی عزتالله نینگ ایتیشیچه، فاریاب یشاوچیلری یاردملری نینگ، امانتدارلیک بیلن هرات ده زلزلهدن زیان کورگنلر نینگ قولی گه مکمل شکلده ییتیشیتیشی نی کوتیب تورگنلر. «اهالی و اصناف نینگ ایستهگنی بو دیر کیم، بیزلر گه تاپشیریلگن امانت نینگ مسئول کمیسیون اوز قولی بیلن زلزلهدن زیان کورگنلر گه ییتیشتیریشی کیرهک.»
۱۵-میزان ایرتنگ چاغی هرات نینگ زندهجان و گلران تومنلریده یوز بیرگن اولیملی زلزله، افغانستان ده سونگی پیتلرده یوز بیرگن اینگ اولیملی طبیعی حادثهلردن دیر که، اوشبو زلزله عاقبتیده ۲۵۰۰دن آرتیق کیشی اولیب و بیش مینگدن آرتیق کیشی یرهلنگن و ۱۲دن آرتیق قیشلاق ایسه ویران بولگن.
