اسلام امیرلیگی هرات ده اولیملی زلزلهدن زیان کورگنلر اوچون شهرچه قوریلیش ایشی باشلنگنی‌دن خبر بیریب ایتیشیچه، کیله‌سی ایکی آیگچه هرات ده زلزله عاقبتیده زیان کورگنلر گه، بیر میلیارد ۷۳ میلیون افغانی خره‌جت بیلن ۲۱۴۶ یشش اوی قوریله‌دی.
اسلام امیرلیگی سوزلاوچیسی ذبیح‌الله مجاهد نینگ ایتیشیچه: «قیش موسومی ییتیب کیلیشی گه قدر، اویلر ایشی نینگ تکمیل بولیشی ممکن. هر اوی بیر عایله نینگ نیازی گه قدر قوریله‌دی. بو بیر شهرچه دیر که مسجد، کلینیک، مدرسه، مکتب و بازار گه ایگه بولیشی ممکن.»
بیزلرنینگ «ایکس» ترماغی ده هم تعقیب قیلینگ!
هرات ده یوز بیرگن بیرینچی زلزله و اوندن کیین یوز بیرگن زلزلهدن نیچه کون اوته‌دی؛ بیرلشگن ملتلر تشکیلاتی گه کوره، اوشبو زلزله‌ده ۴۳ مینگ کیشی مستقیم شکلده زیان کوریب، ۳۳ مینگ‌دن آرتیق یشش اوی ویران و شونینگدیک ۲۸۹ قیشلاق زیان کورگن.
عین حالده، هرات ده زلزله عاقبتیده زیان کوریب و باش‌پنه‌سیز شکلده کیچه و کوندوز نی تشقری‌ده اوتکزه‌دیگنلردن قطاری نینگ ایتیشلریچه، باش‌پنه‌سیزلیک یانیده، هوا نینگ ساووق‌لیگی هم، اولر اوچون حیات نی قیین قیلگن.
هرات ده یوز بیرگن زلزلهدن زیان کورگن زنده‌جان تومنی یشاوچیسی عبدالرزاق نینگ ایتیشیچه، خیمه یوقلیگی سبب، نیچه عایله بیلن بیر ییرده حیات کیچیره‌دی.
اونینگ کوپه‌یتیریشیچه: «ییتی عایله بیر خیمه‌ده حیات کیچیره‌میز، اَیتگنی‌میز پیتده خیمه یوق دییدیلر. اوزیز کورینگ ییتی عایله قنده‌ی بیر خیمه‌ده حیات کیچیرسین. باش‌پنه گه نیازی‌میز بار که بو وضعیت‌دن قوتقره‌یلیک.»
شونینگدیک هرات نینگ رباط‌سنگی تومنی یشاوچیسی گلمکی خواطر بیلدیریب ایتیشیچه: «خیمه‌میز یوق، سرگردان یوریگن‌میز. تورت شهیدیمیز بار، قنده‌ی بیر وضعیت‌ده حیات کیچیره‌میز، قنده‌ی بو ساووق هوا ده کیچه کوندوز نی اوتکزه‌یلیک.»
عین حالده، سرپرست حکومت ییریک رسمی‌لری هرات ده اولیملی زلزله باشلنگنی باش کونلردن حاضرگچه نیچه مرته قیش موسومی ییتیب کیلیشی گه قدر اوشبو زلزلهدن زیان کورگنلر گه دایمی باش‌پنه قورلیشی خصوصیده تاکید قیلگنلر؛ بیراق هرات ده زلزله عاقبتیده زیان کورگنلر سرپرست حکومت و یاردم بیرووچی نهادلردن تیزلیککه اوشبو قیین‌چیلیک نینگ حل قیلینیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
هرات ولایتی زنده‌جان تومنی یشاوچیسی نوراحمد نینگ ایتیشیچه: «هر خیمه‌ده ۴۰-۵۰ کیشی حیات کیچیره‌دی نیمه قیله‌یلیک؟ ساووق هوا‌ده باله‌لریمیز بیلن بو ییرده یاته‌میز، بو قیین‌چیلیگی‌میز نینگ حل بولیشی کیره‌‌ک.»
بیرلشگن ملتلر تشکیلاتی نینگ آماری اساسیده، هرات ده اوتگن نیچه کون جریانیده یوز بیرگن زلزله‌لر نتیجه‌سیده، نیچه قیشلاق جدی شکلده زیان کوریب و هرات نینگ انجیل و زنده‌جان تومنلری، باشقه قیشلاقلر گه قره‌گنده کوپراق زیان کورگن که، یالغیز زنده‌جان تومنی‌ده ۳۳۳۰ اوی ویران بولگن.
