بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا)، اوشبو مملکتده ۱۱۹ لایحهگه ۷۳ میلیون ۴۰۰ مینگ دالر اختصاص بیرگنینی ایتگن.
مذکور نهادنینگ بوگون (۳۰-حمل، یکشنبه)، اکس صحیفهسیده یازیشیچه، بو پول اوتگن میلادی ییلده افغانستان ده اینگ جبرلنهدیگنلر نیازلری حلی اوچون صرفلنگن.
اوچاگه کوره، جاری میلادی ییلده افغانستان ده انسانسیورلیک یاردملرگه نیازمندلیک کوپراق بولیب و یاردملر دوامی اوچون بودجه تامینلنیشی مهم دیر.
شونینگدیک بوندن آلدین هم، بیرلشگن ملتلر تشکیلاتیگه تیگیشلی بو نهاد، ۲۰۲۶-ییلده افغانستاننینگ کمیده ۲۱ میلیون ۹۰۰ مینگ یشاوچیسی جملهدن ۱۲ میلیون بالهنینگ انسانسیورلیک یاردملرگه احتیاجی بولیشی ممکن دیگن ایدی.
