افغانستانده یوزبیرگن اوزگریش‌لردن قریب ۹ آی اوتماقده، بیراق مذکور اوزگریشلر نتیجه‌سیده اسلامی امارت قدرت گه ایریشدی شونینگدیک اوشبو اوزگریشلر مملکت تورلی بولیم‌لریگه سَلبی تأثیر قویدی، بیراق بو اوزگریش‌لرنینگ سَلبی تأثیرلری مملکت اقتصادی بولیم‌لریگه حاضرگچه مستحکم قالگن.
بیزلرنینگ فیسبوک صحیفه‌میزگه باش اورینگ!
بیراق حاضرگچه مملکت بانکی تیزیم توزه‌لمه‌گن و پولی خدمت‌لرنی ارایه قلیش پروسه عادی حالت‌گه قیتمه‌گن.
شونده‌ی بیرحالده، بیرقطار سوداگرلرنینگ ایتیشلریچه، مملکتدن تشقریده پول انتقال بیریش اوچون کوپینچه قیینچیلیکلر بیلن روپه‌ره دیرلر و سودا-ساتیق قیلیش اوچون پوللرنی صراف لیکلر آرقه‌لی یوقاری کمیشن برابریده مملکتدن تشقریده انتقال بیریش‌گه مجبورلر.
افغانستان تیمیر ییرتیش فابریکه‌لری بیرلشمه‌سی نینگ اجرائیه رئیسی عبدالنصیر رشتیا نینگ سلام‌وطنداربیلن اوتکزگن صحبتی‌ده ایتیشیچه، مملکت سیاسی قیینچیلیگی دنیا بیلن حل ایتیلگونیگه قدر، مملکت سوداگرلری برابریده‌گی قیینچیلیکلر حل ایتیلسملیگی ممکن.
عین‌حالده، سوداگرلیک و سرمایه یاتقیزیش اتاقی نینگ مدیره هیأتی عضوی خان‌جان الکوزی نینگ ایتیشیچه، مملکت‌ده سرمایه یاتقیزیش پروسه سیاست‌دن تأثیرلنگن.
اونینگ کوپه‌یتیریشیچه:«بانکی تیزیم یخشی ایمس، پول انتقال بیریلمه‌یدی شونینگ اقتصادی بولیملر اوستیگه مملکتده‌گی سیاسی وضعیت هم تأثیر قویگن و بونی یانیده محصولات اوچون بازار یوق.»
عین‌حالده، مرکزی بانک مسئوللری نینگ ایتیشلریچه، مذکورنهاد رهبرلیگی نینگ قراری اساسیده سوداگرلرنینگ مملکتدن تشقریده پول انتقال بیریشلری برابریده بولگن قییچیلیکلر حل ایتیلگن و بو پروسه بانک‌لرده عادی شکلده دوام ایتماقده.
مرکزی بانک سوزلاوچیسی صابر مومند نینگ سلام‌وطندار گه ایتیشیچه: «مرکزی بانک نینگ کورستمه‌سی خصوصی بانکلرگه یوباریلگن کورستمه‌ده ذکر قیلینگن اقلام اساسیده اقدام قیلینیب، سوداگر نینگ پوللری بانکلر آرقه‌لی انتقال بیریلیشی کیره‌ک و اوشبو پروسه نینگ قیینچیلیگی یوق و عادی شکلده دوام ایتماقده.»
بیزلرنینگ توییترده هم تعقیب قیلینگ!
ایتیش کیره‌ک دیر کیم افغانستان اقتصادی لحاظ‌دن وارداتی بیر مملکت دیر وحاضرگچه اوزینی تأمین‌لشگن قادر بولمه‌گن و مملکت‌ده بیرقطار محصولات نی ایشلب چیقاریش اوچون تشقی مملکتلردن خام ماده وارد قیلش‌گه احتیاج سیزیله‌دی.
