پکتیا نینگ زدران منطقه‌سیده واقع شواک، گرده‌سیری و وزی زدران تومن‌لری اوتگن ۲۰ ییل ایچیده اهالی‌گه طبی خذمت‌لرینی ترقه‌لیش بوییچه ییترلیچه توجه قره‌تیلمه‌گن تومن‌لر جمله‌سیدن سنله‌دی. مذکور تومن‌لر یشاوچیلری طبی خذمت‌لر نینگ مکمل شکلده ارائه بولمه‌سلیگی‌دن شکایت قیلیب ایتیشلریچه، اوتگن ییل‌لر کبی قیینچیلیکلر بیلن روپه‌ره‌لر.
اولر نینگ کوپه‌یتیریشلریچه، تومن‌لر مرکزلریده توزه‌تیلگن کلینیک‌لر، یشش منطقه‌لردن اوزق دیر و اهالی قوله‌ی بیر شکلده اولر گه قول تاپیش امکانیتی گه ایگه ایمس‌لر. اولر گه کوره، اوشبو کلینیکلرده نیاز بولگن پیتده، دارو و کسل‌لر نینگ گردیز شهری یا-ده باشقه کسل‌خانه‌لر گه انتقال بیریلیشی اوچون امبولانس یوق.
شواک تومنی یشاوچیسی قدیم نینگ سلام‌وطندار گه ایتیشیچه: «بو ییرده درمان قیلینه‌دیگن ییر بار، ایکی کلینیگی‌میز بار؛ بیراق اوشبو کلینیکلرده بیر قطار مورد‌لر مکمل ایمس. طبی خذمت‌لردن فایده‌لنه آلمه‌میز؛ چونکه منطقه‌میز تاغلی بولیب و سرک یوق. کسل نی تاغ‌دن توشیریب و مرکز گه آلیب بارگنی‌میز پیتده، یول جوده‌یم اوزاق دیر، سرک یوق. قیینچیلیکلر کوپه‌یه‌دی. کلینیکلرده قیینچیلیکلر بار، امبولانس یوق، دارو گه قول تاپه آلمه‌یمیز و کوپینچه پیت کلینیککه مراجعت قیلینگن پیتده، دارو یوق.»
بیزلرنینگ فیسبوک صحیفه‌میزگه باش اورینگ!
شونینگدیک گرده‌سیری تومنی یشاوچیسی احمد‌گل نینگ ایتیشیچه: «بو ییرده معاینه و عملیات اوچون توغروق بولیمی‌ده بیر قابله گه نیازی‌میز بار. عیاللر حامله بولگنلری پیتده، گردیز گه باره آلمه‌یدیلر؛ چونکه سرک‌لر اوزاق، بیر قطار اهالی‌ده موتری یوق یا-ده پولی یوق. انه شوو سبب، کسل کسل‌خانه گه بارمه‌سدن وفات ایته‌دی. بو کلینیک‌ده یخشی بیر شفاکار گه نیازی‌میز بار و ایرکک شفاکاردن کوپراق عیال شفاکار گه نیازی‌میز بار؛ چونکه عیال شفاکار بولمه‌گنی صورت‌ده، ایرکک شفاکارلر عیاللر قیین‌چیلیگی نی حل قیله آلمه‌یدی.»
وزی زدران تومنی یشاوچیسی اخترجان نینگ ایتیشیچه: «کون جریانیده، قریب ۱۰۰ کسل کلینیگی‌میز گه مراجعت قیله‌دی، بیراق کلینیک‌ده دارو مسلکی شفاکار یوق. شو رقم خوست و پکتیا نینگ اصلی سرکی‌ده ترافیکی حادثه یوز بیرگنی پیتده، عاجل کسل‌لر اوچون دارو یوق. بو سی‌اچ‌سی کلینیک نینگ دی‌اچ بولیشی نی ایسته‌یمیز.»
پکتیا نینگ زدران گه واقع تومن‌لر یشاوچیلری گه کوره، منطقه‌لریده‌گی کلینیکلرده جدی کسل‌لر نینگ درمام قیلیش اوچون هیچ عیال شفاکار یا-ده مسلکی ایرکک شفارکار یوق. اولر اوشبو اوچ تومن‌ده مسئوللر نینگ کوپراق توجه قیلیشلری نی ایسته‌یدیلر.
شونده‌ی بیرحالده، پکتیا ساغلیق‌نی سقلش ریاستی مسئوللری، زدران تومنی‌لری نینگ ساغلیق بولیمی‌ده‌گی قیین‌چیلیک‌لری نی تصدیق‌لب؛ بیراق اونینگ حل قیلینشی خصوصیده سوز بیرگنلر.
پکتیا ساغلیق‌نی سقلش ریاستی رئیسی صدرالدین عزام نینگ سلام‌وطندار گه ایتیشیچه، زدران نینگ اوچ تومنی‌ده‌گی اوزاق منطقه‌لرده ساحه‌لیک ینگی آلتی کلینیک، موسسه‌لر همکارلیگی بیلن توزه‌تیلیب و دستلبکی خذمت‌لر نی اهالی گه ارائه قیله‌دی.
اونینگ کوپه‌یتیریشیچه، اوشبو اوچ تومن آره‌سیدن، یالغیز وزی زدران تومنیده امبولانس بار و شونینگدیک باشقه تومن‌لرده‌گی کلینیک‌لر گه یقین کیله‌جک‌ده امبولانس کیلتیریلیشی ممکن.
بیزلرنینگ توییترده هم تعقیب قیلینگ!
اونگه کوره، طبی خذمت‌لردن فایده‌لنه آلمه‌گن اوشبو تومن‌لر نینگ اوزق منطقه یشاوچیلری اوچون، نهاد‌لر همکارلیگی بیلن وقتینچه‌لیک طبی مرکزلر فعال بوله‌دی.
پکتیا ساغیلق‌نی سقلش رئیسی نینگ ایتیشیچه: «دارو قیین‌چیلیگی مملکت بویلب موجود بولگن بیر قیین‌چیلیک دیر و ساغلیق نی سقلش وزیرلیگی مذکور قیین‌چیلیک حلی اوچون سعی و حرکت قیله‌دی. بیراق طبی و درمانی مرکزلر گه اهالی نینگ قول تاپیشی اوتگن ییل‌لر گه قره‌گنده کوپه‌یگن و اهالی مراجعتی ایسه یوقاری کیتگن؛ چونکه دولتی ساغلیق سیستم‌لر خصوصیده اهالی ایشانچی کوپه‌یگن و انه شوو سبب، درمانی مرکزلر گه مراجعت قیلووچیلر سانی کوپه‌یگن؛ لیکن دارو کم‌لیگی قیین‌چیلیگی بار.»
پکتیا ساغلیق‌نی سقلش ریاستی مسئوللری گه کوره، اوتگن ایکی ییل‌ده پکتیا نینگ تورلی تومنی اوزاق منطقه یشاوچیلری، طبی خذمت‌لر گه قول تاپه آلمه‌گنلر؛ بیراق دستلبکی خذمت‌لر نی اهالی گه ارائه قیله‌دیگن ۲۸ ته ساغلیق‌نی سقلش مرکز نی فعال قیلیش بیلن، اوشبو قیینچیلیکلر نی بیراز حل قیلگنلر.
