«کسلیمیز نینگ وضعیتی یخشی بولمهگنی و سکته مغزی قیلگنی نی ایتدیک. اتاقده جای یوقلیگی سبب، سالنده قالیشی یخشی ایمس دیدیک. اولر اتاقلرده جای یوقلیگی نی بیان قیلیب و سالنلردن باشقه ییر یوقلیگینی ایتدیلر. جای یوقلیگی سبب، کسلیمیز سالنده قالدی. کیچه ساعت ۱۲دن ایرتهسی کونی ساعت ۱۲ گه قدر سالنده قالدیک که، اوندن کیین اتاق گه انتقال تاپدی.»
بو دایکندی ولایتی کسلخانهسی دیواری گه تکیه قیلیب و کسلی نینگ هوش گه کیلیشی نی کوتیب تورگن خداداد نینگ سوزلری دیر. اونینگ سلاموطندار گه ایتیشیچه، دایکندی ولایتی نومیش تومنیدهگی کسلخانه ده یخشی امکانیت یوقلیگی سبب، کسل آنهسینی مذکور ولایت نینگ ولایتی کسلخانهسی گه آلیب باریش اوچون ۱۲ ساعت یول یوریگن.
بیزلرنینگ فیسبوک صحیفهمیزگه باش اورینگ!
شونینگدیک او دایکندی ولایتی کسلخانهسیده دارو یوقلیگیدن شکایت قیلهدی.
خداداد نینگ کوپهیتیریشیچه: «دارو اوچون نسخه بیرهدیلر و تشقری دن باریب دارو آلهمیز. ۲۴ ساعتدن بیری کسلخانهدن دارو آلگنیم یوق. اوشبو کسلخانهده بار بولگن نرسه یالغیز سیروم دیر. تابلیت و آمپول کبی دارولر نی ایسه تشقری دن آلیب کیلهمیز. اوزیم بو ایرتنگ ایکی قلم آمپول داروسی نی آلیب کیلدیم که قیمتی بیر مینگ بولدی.»
عین حالده، دایکندی ولایتی اشترلی تومنی یشاوچیسی بولمیش محمد رضایی نینگ ایتیشیچه، مذکور تومنده دارو و داکتر کملیگی سبب، قرینداشلریدن بیری دایکندی ولایتی کسلخانهسی گه انتقال بیریش پیتده یول گه جان بیرگن.
محمد رضایی نینگ کوپهیتیریشیچه: «اشترلی تومنی یشاوچیسی من. کسلیمیز یول نینگ اوزاقلیگی سبب، یول گه جان بیردی. بو اوزی بویوک بیر قیینچیلیک دیر.»
دایکندی یشاوچیلری، مذکور ولایتدهگی کسلخانهلرده طبی اسکونهلر تامینلنیشی و کوپینچه داکترلر نینگ ایش گه آلینیشی نی ایستهیدیلر.
دایکندی مرکزی نیلی شهری نینگ «جرف» قیشلاغیده یشاوچیسی ابراهیم، اوشبو ولایت عامه ساغلیق ریاستیدن اهالی نینگ درمانی نیازلری نینگ حلی اوچون، نیلی شهریدهگی یوز یاتاقلی کسلخانه نینگ فعال بولینیشی نی ایستهگنلر.
ابراهیم نینگ کوپهیتیریشیچه: «طبی اسکونهلر نینگ رواجلنیشی نی ایستهیمیز. اهالی قیینچیلیگی نینگ حلی اوچون دایکندیده متخصص داکترلر استخدام بولسین. نیلی شهریدهگی یوز یاتاقلی کسلخانهدن حاضرگچه استفاده بولینمهگن. تیزلیککه اوشبو کسلخانه نینگ فعال بولینیشی گه امیدوارمیز.»
بیزلرنینگ توییترده هم تعقیب قیلینگ!
عین حالده، دایکندی عامه ساغلیق ریاستی نینگ مطبوعاتی مسئولی و تغذیه مدیری زینالله تیموری گه کوره، ستندرد بنا یوقلیگی و بودجه کملیگی، دولتی درمانی خذمتلر نینگ درست بیر شکلده ارایه بولمهیشی گه سبب بولگن.
جناب تیموری نینگ کوپهیتیریشیچه: «ولایتی کسلخانه ساحهسی کوپ قید دیر. تغذیه و عاجل بولیمیده آز ییر بار. دشت منطقهسیده یوز یاتاقلی کووید ۱۹ بار که کسلخانه نی او ییر گه انتقال بیریش ایستهیمیز.»
دایکندی ده مسلکی داکترلر و ستندرد درمانی مرکزلر کملیگی سبب، مذکور ولایتدهگی کسللردن قطاری درمان بولیشلری اوچون کابل کبی باشقه ولایتلر گه سفر قیلهدیلر.