اندونزیا رسمیلرینینگ اعلام قیلیشیچه، اوشبو مملکت شرقیده جایلشگن نوسا تنگارای ولایتیدهگی فلورس جزیرهسیده یوز بیرگن ۷.۷ درجه ریشترلیک زلزله عاقبتیده، کمیده ۵۱ کیشی اولیب و قریب ۵ مینگ کیشی اویلرینی ترک قیلیشگه مجبور بولگن.
الجزیره خبری ترماغینینگ بوگون (۲۵-اسد/۱۶-اگست، یکشنبه)، گزارش بیریشیچه، مذکور زلزلهدن کیین باشقه ۳۴۱ ییر تیبرهنیشی هم ثبت بولگن.
اندونزیا ساغلیقنی سقلش وزیری اورینباسری بنجامین پاولوس اکتاویانوس، بوگون خبری بیر ییغیلیشده ایتیشیچه، اوشبو زلزله طفیلی ۳۶ کیشی جدی جراحت کوتاریب و باشقه ۷۷ کیشی ایسه سطحی شکلده یرهلنگن.
اندونزیا طبیعی واقعهلرنی باشقریش ملی ادارهسی باشلیغی سوهاریانتونینگ ایتیشیچه، اوشبو زلزله عاقبتیده کمیده ۱۵۷ یشش اوی ویران بولیب و باشقه قریب ۲۰۰ اوی ایسه ضرر کورگن.
اندونزیا رسمیگه کوره، اوچ مینگ ۵۰۰ دن آرتیق حربی کوچ و پولیس یاردم بیریش عملیاتی اوچون جبرلنگن منطقهلرگه یوباریلگن.
