روسیه و اوکراین حربی کوچلری، ینگیلیکده بیر-بیرینینگ توپراغیگه هجوم اویوشتیرگن و اونینگ نتیجهسیده چمهسی تورت کیشی هلاک بولگن و ینه ۲۰ کیشی یرهلنگن.
رویترز، بوگون (۲۶ اسد/۱۷ آگست، دوشنبه) ترقهتگن خبریده، بو هجوملر عاقبتیده اوکراینده ایکی کیشی و روسیهده هم ایکی کیشی هلاک بولگنینی معلوم قیلگن.
روسیه، ینگی هوا هجوملری تولقینیده اوکرایننینگ فولاد بویوک ایشخانهسیگه ضربه بیردی و اونینگ نتیجهسیده ایکی کیشی اولگن و ینه ۱۴ کیشی یرهلنگن. شونینگدیک روسیهنینگ کییف و اونینگ حدودلریگه اویوشتیرگن هجوملریده کمیده آلتی کیشی یرهلنگن.
اوکراین هم، مسکو و روسیهنینگ باشقه ایریم حدودلریگه کینگ کولملی دران آرقهلی هجوم اویوشتیرگن. بو هجوملرده مسکو حدودیده ۸۳ یاشلی بیر کیشی و بلگورود ده هم بیر کیشی هلاک بولگن. روسیه رسمیلری باشقه نیچه کیشینینگ یرهلنگنیدن خبر بیرگن، بیراق اولرنینگ انیق رقمی حقیده ایضاح کیریتمهگن.
ایلگریراق، روسیه مدافعه وزیرلیگی، بو مملکت حربی کوچلری اوکراین ایریم جبههلریده آلغه بارماقده ایکن، خارکیف و دونتسکده ینه ایکی شهرنی ایگللب آلگنلرینی ایتگن حالده، بو هجوملر اویوشتیریلگن.
