بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا)، گه کوره، جاری میلادی ییل باشلنگنیدن حاضرگچه، ۹۲ مینگ کیشی بو مملکتده طبیعی واقعهلر نتیجهسیده تاثیرلنگن.
اوشبو نهادنینگ بوگون (۲۵-اسد، یکشنبه)، اوز وبسایتیده بیر گزارش آرقهلی یازیشیچه، جنوریدن اگست آیینینگ باش کونلریگچه سوو تاشقینلر، ییر سیلجیشی و زلزله طفیلی افغانستاننینگ ۹۷ یشاوچیسی اولیب و ۳۳۱ کیشی یرهلنگن.
اوچانینگ ایتیشیچه، بو مدتده قریب ۱۰ مینگ یشش اوی زیان کوریب و ۲۱۰۰ دن آرتیق یشش اوی بوزیلگن. مذکور نهادنینگ گزارشیده کیلیشیچه، یشش محیط بوزیلیشی و افغانستاننینگ آستقورمهلری توغریسیده ییترلی بولمهگن سرمایه یاتقیزیلیش، منطقهلردن قطارینینگ چیدملیگینی ضعیفلشتیریب و طبیعی واقعهلردن جبرلنگن مینگلرچه عایلهنی عادی تیریکچیلیککه قیتیش و قیته تیکلش اوچون اوزون مدتلی قیینچیلیکلر بیلن روپهره قیلگن.
بیرلشگن ملتلر تشکیلاتی انسانسیورلیک یاردملرنی هماهنگ قیلووچی ادارهسینینگ کوپهیتیریشیچه، شاشلینچ یاردملر یالغیز اوزی بو قیینچیلیکنی حل قیله آلمهی، بلکیم تیزلیککه آگاهلنتیرووچی سیستملرگه سرمایه یاتقیزیلیش، جمعیتنینگ تیارگرلیگی و هوا اوزگریشلری بیلن ماس اقداملر، کیلهسی زیانلر کمهیشی و چیدملیک مستحکملنیشی اوچون کیرهک دیر.
