اسلام امیرلیگی طبیعی آفتلر گه قرشی کورهش ملی ادارهسی، سونگی ۴۸ ساعت ایچیده طبیعی واقعهلر جملهدن سوو تاشقینلر، یاغینگرچیلیک و بوران عاقبتیده، ۲۸ کیشی اولیب و ۱۰ کیشی یرهلنگنیدن خبر بیرگن.
مذکور اداره سوزلاوچیسی محمدیوسف حمادنینگ بوگون (۲-جوزا، شنبه)، بیر ویدیو فایل آرقهلی اکس صحیفهسیده یازیشیچه، اوشبو کیشیلر کابل، پروان، کاپیسا، خوست، پکتیا، میدانوردک، ارزگان، قندهار، هرات، بادغیس، سمنگان، سرپل، تخار، بغلان، بدخشان، لغمان و کنر ولایتلریده اولیب و یرهلنگن.
جناب حمادنینگ کوپهیتیریشیچه، اوشبو طبیعی واقعهلر نتیحهسیده ۱۷۶ یشش اوی بوتونلی و ۵۳۴ یشش اوی ایسه قسمی شکلده بوزیلگن. شونینگدیک ایکینچیلیک ییر، سرک و باغ زیان کوریب همده ۲۸ باش چاروه تلف بولگن.
