تخار ده خوفسیزلیک مسئوللرینینگ ایتیشلریچه، اوتگن کیچه یوز بیرگن سوو تاشقینلر نتیجهسیده، اهالیگه جانی و مالی زیان ییتیشگن.
تخار امنیه قوماندانلیگی سوزلاوچیسی نظامالدین عمیرنینگ ایتیشیچه، یالغیز مذکور ولایت اشکمش و نمکآب تومنلریده ایکی عیال و بیر باله شامل اوچ کیشی اولیب، ۱۴۰ یشش اوی، ۳۴۵ جریب ایکینچیلیک ییر، ۲۱ ته باغ و بیر کوپریک بوزیلگن. شونینگ ۱۴۶ باش چاروه تلف بولیب و ۹ ته دکان زیان کورگن.
جناب عمیرنینگ کوپهیتیریشیچه، تخار امنیه قوماندانی موساکلیم ابوالنصر، خوفسیزلیک کوچلری بیلن زیان ییتیشگن ساحهلرگه باریب، یاردم کورسهتیلیش و جبرلنگنلرنینگ انتقال بیریلیش جریانیگه رهبرلیک قیلماقده.
ایتیلیشچه، اوشبو ولایت باشقه حدودلریگه ییتیشگن زیانلر توغریسیده تیکشیریلیشلرنینگ دوامی بار.
ایتیش کیرهک که، اوتگن کیچه یوز بیرگن یاغینگرچیلیکلر و سوو تاشقینلر بدخشان و بغلان ولایتلریده هم جانی و مالی زیانلرگه سبب بولگن.
